ఈ నెల 23న పుట్టినరోజు జరుపుకోనున్నాడు కథానాయకుడు ప్రభాస్. ఈ సందర్భంగా.. అమెరికా, జపాన్లోని 'డార్లింగ్' అభిమానుల కోసం ఓ తీపి కబురందింది. ప్రభాస్ నటించిన 'సాహో', 'బాహుబలి: ది కంక్లూజన్' సినిమాలు.. అక్కడి థియేటర్లలో మళ్లీ విడుదల కానున్నాయి.
కరోనా వ్యాప్తి దృష్ట్యా.. అమెరికా, జపాన్లలో థియేటర్లు ఇన్నాళ్లూ మూతపడ్డాయి. ఇప్పుడిప్పుడే నిబంధనలను పాటిస్తూ మళ్లీ తెరుస్తున్నారు. 'ప్రభాస్' బర్త్డే నేపథ్యంలో.. అతడి గత రెండు సినిమాలను ఈ వారంతంలో మరోసారి విడుదల చేయాలని నిర్ణయించారు అక్కడి థియేటర్ల యజమానులు.
ప్రభాస్ కథానాయకుడిగా, ఎస్.ఎస్.రాజమౌళి దర్శకత్వంలో వచ్చిన 'బాహుబలి ది కన్క్లూజన్' చిత్రం.. ఎన్నో అంతర్జాతీయ చిత్రోత్సవాల్లో ప్రదర్శితమైంది. ప్రపంచవ్యాప్తంగా అత్యధిక వసూళ్లు సాధించిన రెండో భారతీయ చిత్రంగానూ పేరు సంపాదించుకుంది. ఆ తర్వాత, సుజీత్ దర్శకత్వంలో వచ్చిన 'సాహో' చిత్రానికి ఊహించినంత స్పందన రాకపోయినా, వసూళ్ల విషయంలో మాత్రం వెనుకబడిపోలేదు. ప్రపంచవ్యాప్తంగా ఈ చిత్రం రూ.400 కోట్ల కలెక్షన్స్ని రాబట్టింది.
ఇదీ చూడండి:బాలయ్య 'నర్తనశాల' ఫస్ట్లుక్ వచ్చేసింది
