అక్కినేని నాగార్జున ఎన్ఐఏ అధికారిగా నటిస్తున్న చిత్రం 'వైల్డ్ డాగ్'. నూతన దర్శకుడు అహిషర్ సోలమన్ తెరకెక్కిస్తున్న చిత్రమిది. మ్యాట్నీ ఎంటర్‌టైన్‌మెంట్స్‌ సంస్థ నిర్మిస్తున్న ఈ సినిమా షూటింగ్ కోసం మనాలికి వెళ్లింది చిత్రబృందం. అక్కడే కొన్నాళ్లు షూటింగ్ జరుపుకోనుందని సమాచారం. లాక్‌డౌన్‌ తరువాత హైదరాబాద్‌లో ఈ చిత్రానికి సంబంధించిన షూటింగ్ మళ్లీ మొదలైంది. కొన్ని సన్నివేశాలను భాగ్యనగరంలో చిత్రీకరించారు.
ఈ సినిమాలో నాగార్జున ఎన్‌కౌంటర్‌ స్పెషలిస్ట్‌ విజయ్‌ వర్మగా దర్శనమివ్వబోతున్నారు. నేరస్థులతో వ్యవహరించే అత్యంత కఠినమైన తీరుతో ఆయనను 'వైల్డ్ డాగ్' అని పిలుస్తుంటారు. యదార్థ సంఘటనల ఆధారంగా రూపొందుతోన్న ఈ చిత్రాన్ని.. నిరంజన్‌ రెడ్డి, అన్వేష్ రెడ్డి నిర్మిస్తున్నారు. ఇప్పటికే సినిమా ఫస్ట్‌ లుక్‌ విడుదలై అంచనాలు పెంచింది.
ఇదీ చూడండి:కరోనా తర్వాత ముఖానికి రంగేసిన విద్యాబాలన్‌!
