తెలుగు ప్రజల్లో ఆసక్తి రేపిన 'మా' ఎన్నికలు విజయవంతంగా పూర్తయ్యాయి. నువ్వానేనా అన్నట్లు తలపడిన పోరులో ప్రకాశ్రాజ్పై అధ్యుక్షుడిగా మంచువిష్ణు గెలుపొందారు. ఈ సందర్భంగా పలువురు విష్ణుకు అభినందనలు తెలపగా.. మెగాస్టార్ చిరంజీవి సైతం ట్విట్టర్ వేదికగా విష్ణుకు కంగ్రాట్స్ తెలిపారు. నూతన కార్యవర్గం నటీనటుల సంక్షేమం కోసం పాటుపడుతుందని ఆశీస్తున్నాన్న చిరంజీవి... మా ఇప్పటికీ ఎప్పటికీ ఒకటే కుటుంబమన్నారు. ఎవరు గెలిచినా కుటుంబం గెలిచినట్టేనని, ఆ స్ఫూర్తితోనే అందరం ముందుకుసాగుదామని పిలుపు నిచ్చారు.
నాగబాబు రాజీనామా
విష్ణు గెలిచిన కొన్ని నిమిషాల్లోనే ప్రకాశ్ రాజ్కు మద్దతుగా నిలిచిన మెగాబ్రదర్ నాగబాబు 'మా' సభ్యత్వానికి రాజీనామా చేశారు. 48 గంటల్లో తన రాజీనామాను మా అసోసియేషన్ కార్యాలయానికి పంపనున్నట్లు ట్విట్టర్లో తెలిపారు. ప్రాంతీయవాదం, సంకుచిత మనస్తత్వంతో మా అసోసియేషన్ కొట్టుమిట్టాడుతోందని వ్యాఖ్యానించడం చర్చనీయాంశంగా మారింది.
ఇదీ చూడండి: ఈ విజయం నాన్నకు అంకితం: విష్ణు
