బాలీవుడ్ దిగ్గజ నటుడు అమితాబ్ బచ్చన్(amitabh jackie shroff movies) అంటే ఎవరికి మాత్రం అభిమానం ఉండదు. అవకాశం వస్తే బిగ్బీని కలవాలని, మాట్లాడాలని, వీలైతే ఆటోగ్రాఫ్ తీసుకోవాలని అభిమానులు నుంచి స్టార్ నటీనటుల వరకు ఎంతగానో ఎదురుచూస్తారు. అయితే ఓ సారి ఆటోగ్రాఫ్ కోసం అమితాబ్ వద్దకు వెళ్లబోతుంటే అభిషేక్, శ్వేతా బచ్చనే అడ్డొచ్చి తన ఆటోగ్రాఫ్ తీసుకున్నట్లు గుర్తుచేసుకున్నారు మరో బీటౌన్ నటుడు జాకీష్రాఫ్! అప్పుడు తాను షాక్ అవ్వడం సహా సంతోషడినట్లు చెప్పారు. ఈ విషయాన్ని 'కౌన్ బనేగా కరోడ్ పతి'(kaun banega crorepati amitabh bachchan) కార్యక్రమంలో బిగ్బీతో చెప్పారాయన.
"ఇది మీకు గుర్తుండకపోవచ్చు. మనం చెన్నైలో షూటింగ్లో పాల్గొన్నాం. ఆ సమయంలో ఇండస్ట్రీకి కొత్తగా వచ్చా. మీ దగ్గర ఆటోగ్రాఫ్ తీసుకోవడానికి వచ్చా. అప్పుడు అభిషేక్, శ్వేతా బచ్చన్(చిన్నపిల్లలుగా ఉన్నప్పుడు) మీ అసిస్టెంట్తో కలిసి నాకు ఎదురొచ్చారు. 'వీరు అమితాబ్ పిల్లలు. మీ ఆటోగ్రాఫ్ తీసుకోవాలనుకుంటున్నారు' అని ఆ అసిస్టెంట్ నాతో చెప్పాడు. 'నేనేమో బచ్చన్ సార్ ఆటోగ్రాఫ్ కోసం వచ్చాను. వాళ్లు నా ఆటోగ్రాఫ్ అడుగుతున్నారు. వావ్' అని చెప్పా" అని తెలిపారు.
ఇంకా బిగ్బీతో తనకున్న అనుబంధాన్ని గుర్తు చేసుకున్నారు జాకీష్రాఫ్(amitabh jackie shroff). వీరిద్దరూ కలిసి పలు చిత్రాల్లో నటించారు. త్వరలోనే జాకీ.. 'సూర్యవంశీ', 'అతిథి దేవో భవా' సినిమాలతో ప్రేక్షకుల ముందుకు రానున్నారు. గతంలో 'పంజా', 'శక్తి', 'సాహో' సహా పలు తెలుగు సినిమాల్లోనూ నటించారు.
ఇదీ చూడండి: Amitabh: అమితాబ్‌కు పేరు ఎవరు పెట్టారో తెలుసా?
