Karan Johar on Brahmastra: రణ్బీర్ కపూర్, ఆలియా భట్ జంటగా నటిస్తోన్న చిత్రం 'బ్రహ్మాస్త్ర'. ఏడేళ్ల కిందటే సినిమా మొదలుపెట్టినా ఇప్పటికీ పూర్తి కాకపోవడంపై సహ నిర్మాత, ధర్మ ప్రొడక్షన్స్ అధినేత కరణ్ జోహర్ స్పందిచారు. ఈ ప్రాజెక్ట్ కోసం 'బ్రహ్మాస్త్ర' టీమ్.. శాయశక్తులా కష్టపడుతోందని చెప్పారు.
"బ్రహ్మస్త్ర' కోసం రణ్బీర్ ఏడేళ్లు కేటాయించాడు. మరో ప్రశ్న అడగకుండా ఆలియా కూడా ఏడేళ్లు ఇచ్చేసింది. డేట్స్ సర్దుబాటు చేశారు, షెడ్యూళ్లు ముందుకు జరిగాయి, ప్రభుత్వాలు మారాయి, 'బ్రహ్మాస్త్ర' మాత్రం ఆగలేదు."
- కరణ్ జోహర్, నిర్మాత
సినిమాతోనే ఆలియా పెరిగింది..
ఇక సినిమాపై ఆలియాకు ఉన్న నమ్మకం గురించి ఇటీవలే ఓ ఇంటర్వ్యూలో ప్రత్యేకంగా చెప్పుకొచ్చారు కరణ్. "బ్రహ్మాస్త్ర'తో పాటే ఆలియా కూడా ఎదిగింది. ఈ సినిమా సంతకం చేసినప్పుడు ఆమెకు 21 ఏళ్లు. ఇప్పుడు 28. సినిమా విడుదలయ్యేనాటికి 29 వస్తాయి. వాస్తవానికి ఆమె సినిమాల్లోనే పెరిగింది. ఏమీ తెలియని యువతిలా వచ్చి, ప్రముఖ నటిగా మారింది. సినిమా ఆలస్యమవడానికి ప్రత్యేకమైన కారణమేమీ లేదు. ఆలోచనలకు తగ్గట్లు తెరకెక్కించిన మూలంగానే ఇంత సమయం పడుతోంది" అని వివరించారు.
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
పాన్ ఇండియా స్థాయిలో విడుదల..
ఈ సినిమాలో బిగ్బీ అమితాబ్ బచ్చన్, అక్కినేని నాగార్జున, మౌనీ రాయ్లు కీలక పాత్రలు పోషిస్తున్నారు. చిత్రాన్ని ఫాక్స్ స్టార్ స్టూడియోస్, ధర్మ ప్రొడక్షన్స్, ప్రైమ్ ఫోకస్, స్టార్లైట్ పిక్చర్స్ సంయుక్తంగా నిర్మిస్తున్నాయి. ఈ ఏడాది సెప్టెంబర్ 9న హిందీ, తెలుగు, తమిళం, మలయాళం, కన్నడ భాషల్లో విడుదలకానుంది.
- " class="align-text-top noRightClick twitterSection" data="
">
ఇదీ చూడండి: బాలీవుడ్లో నా ఫేవరెట్ హీరో అతడే: జక్కన్న
