మన్మథుడు-2 సినిమా తర్వాత కింగ్ నాగార్జున మరో చిత్రానికి ఒప్పుకోలేదు. కల్యాణ్‌కృష్ణతో ‘బంగార్రాజు’ మూవీని పట్టాలెక్కిస్తారని వార్తలొచ్చినప్పటికీ అది మరింత ఆలస్యమయ్యేలా కనబడుతోంది. అందుకే ఇటీవలె ఓ కొత్త దర్శకుడికి గ్రీన్ సిగ్నల్ ఇచ్చినట్లు సమాచారం. వంశీ పైడిపల్లి శిష్యుడు సాల్మన్ చెప్పిన కథ ఆయనకి నచ్చిందని, త్వరలోనే ఆ సినిమాను సెట్స్పైకి తీసుకొస్తున్నట్లు తెలుస్తోంది. ఈ చిత్రం తర్వాత ఓ బాలీవుడ్ రీమేక్లో నటించనున్నారట నాగ్.
అజయ్‌ దేవగణ్‌ హిట్‌ మూవీ రైడ్ను తెలుగులో నాగ్ చేయబోతున్నట్లు కొన్నాళ్లుగా గుసగుసలు వినిపిస్తున్నాయి. ఈ నేపథ్యంలో ఈ వార్తలపై స్పష్టతనిచ్చాడు నాగార్జున.
"ఆఫర్‌ వచ్చిన మాట నిజమే. కానీ, స్క్రిప్టు సిద్ధం చేసుకోని కలవమన్నా. ఆ చిత్రాన్ని నేను కూడా చూశా. బాగా నచ్చింది. స్క్రిప్టు పక్కాగా సిద్ధమైతే చేయడానికి అభ్యంతరం లేదు."
-అక్కినేని నాగార్జున, సినిమా హీరో
మొత్తానికి మన్మథుడు మాట్లాడినదాని ప్రకారం చూస్తే.. ఆయన రైడ్‌కి రెడీగానే ఉన్నట్లు అర్థమవుతోంది.
ఇదీ చూడండి: వాట్సాప్లో కొత్త ఫీచర్ల సందడి.. అవేంటో తెలుసా?
