గొడవ పడితే మిగిలేది ఏముండదు గొడవ తప్ప అని అంటున్నాడు హీరో కార్తికేయ. హీరోగా నటించిన 'గుణ 369' ఆగస్టు 2న ప్రేక్షకుల ముందుకు రానుంది. బుధవారం చిత్ర ట్రైలర్ను విడుదల చేశారు. ఇందులో క్లాస్, మాస్ లుక్లో అలరిస్తున్నాడీ కథానాయకుడు.
''మన అనుకున్నవాళ్లు బావుండాలంటే ప్రపంచంలో ప్రమాదాలు ఏ రూపంలో వస్తాయో చెప్పి పెట్టాలిరా గుణ'' అనే సంభాషణతో ట్రైలర్ ప్రారంభమైంది. ''నేను ఎడారిలో ఉన్నా... గొంతు ఎండిపోతోంది... కొన్నే నీళ్లు దొరికాయి.. ఇవి మంచివా? చెడ్డవా అని ఆలోచించే ఓపిక, తీరిక నాకు లేదు... తాగి దాహం తీర్చుకోవడమే'' అంటూ హీరో కార్తికేయ చెప్పిన డైలాగులు చిత్రంపై అంచనాల్ని పెంచుతున్నాయి.
అనఘ హీరోయిన్గా నటించింది. చైతన్య భరద్వాజ్ సంగీతాన్ని అందించాడు. అనిల్‌ కడియాల, తిరుమల్‌ రెడ్డి సంయుక్తంగా నిర్మిస్తున్నారు. యదార్థ కథతో తెరకెక్కిన ఈ చిత్రం ప్రేక్షకుల్ని కచ్చితంగా ఆకట్టుకుంటుందని చెప్పాడు చిత్ర దర్శకుడు అర్జున్ జంధ్యాల.
ఇది చదవండి: 'గుణ 369'.. లవ్, యాక్షన్, సెంటిమెంట్
