అక్కినేని వారసుడు అఖిల్ కథానాయకుడిగా తెరకెక్కుతోన్న ఓ సరికొత్త కథా చిత్రం 'మోస్ట్ ఎలిజిబుల్ బ్యాచ్లర్'. బొమ్మరిల్లు భాస్కర్‌ దర్శకత్వం వహిస్తున్న ఈ సినిమా ఓటీటీలో విడుదల కానుందంటూ ఇటీవలే ప్రచారం జరిగింది. ఈ మేరకు ఇప్పటికే ప్రముఖ ఓటీటీ ఫ్లాట్‌ఫామ్‌ ఈ చిత్ర హక్కులను కొనుగోలు చేసిందని నెట్టింట్లో వరుస పోస్టులు దర్శనమిస్తున్నాయి.
ఈ నేపథ్యంలో సదరు వార్తలపై చిత్రబృందం నుంచి ఓ క్లారిటీ వచ్చింది. ఫుల్‌ టైమ్‌ ఎంటర్‌టైనర్‌గా తెరకెక్కిన ఈ చిత్రాన్ని ఓటీటీలో విడుదల చేసే ఆలోచన తమకు లేదని స్పష్టం చేసింది. థియేటర్లు తిరిగి ప్రారంభమయ్యాకే రిలీజ్ డేట్‌ను మరోసారి ప్రకటిస్తామని చిత్రబృందం తెలిపింది.
ప్రేమ, కుటుంబకథా చిత్రంగా తెరకెక్కిన ఈ సినిమాలో అఖిల్ సరసన పూజాహెగ్డే నటించారు. ఈ చిత్రానికి గోపీసుందర్‌ స్వరాలు అందిస్తున్నారు. అల్లు అరవింద్‌ సమర్పణలో జీఏ2 పిక్చర్స్‌ బ్యానర్‌పై బన్నీవాస్‌ ఈ చిత్రాన్ని నిర్మిస్తున్నారు. జూన్‌ 19న ఈ చిత్రాన్ని విడుదల చేస్తామని అప్పట్లో చిత్రబృందం ప్రకటించింది.
ఇదీ చూడండి.. సల్మాన్ చిత్రంలో ఉగ్రవాదిగా ఇమ్రాన్!
