మలయాళ యువ హీరో దుల్కర్ సల్మాన్.. జులై28న తన 35వ బర్త్డేను పురస్కరించుకుని రూ. 2.45 కోట్ల విలువైన మెర్సిడెస్ ఏఎంజీ జీ 63 అనే మోడల్కారును కొనుగోలు చేశాడు. కొచ్చిలోని దుల్కర్ ఇంటికే కారును డెలివరీ చేసింది కంపెనీ యాజమాన్యం. ఆ చిత్రాలు నెట్టింట వైరల్ అయ్యాయి.
మెర్సిడెస్ ఏఎంజీ..
తెల్ల టీషర్ట్, ఆకుపచ్చ ట్రౌజర్స్ ధరించి.. మెర్సెడెస్ కంపెనీ ప్రతినిధి నుంచి కారుకు సంబంధించిన బాక్స్ను తీసుకుంటున్నట్లు ఈ చిత్రంలో ఉంది. దుల్కర్.. ఒలీవ్ గ్రీన్ కలర్తో పాటు బ్లూ- బ్లాక్ డుయల్ షేడ్ ఉన్న కారును కొనుగోలు చేసినట్లు అభిమానులు సామాజిక మాధ్యమాల్లో పోస్ట్ చేశారు.
మలయాళ సూపర్స్టార్ మమ్ముట్టి, అతని కుమారుడు దుల్కర్ సల్మాన్కు కార్లంటే తెగ ఇష్టం. మమ్ముట్టి.. 369 రేంజ్ కార్లను గతంలో కొనుగోలు చేశాడు. దుల్కర్ కూడా ఇప్పటికే ఫెరారీ, బీఎండబ్ల్యూ, పోషె, మెర్సెడెస్ మోడల్స్లో కార్లను కొనుగోలు చేశాడు.
- " class="align-text-top noRightClick twitterSection" data="
">
దుల్కర్ ప్రస్తుతం.. తెలుగు దర్శకుడు హను రాఘవపూడితో ఓ సినిమా చేస్తున్నారు. ఈ చిత్రాన్ని వైజయంతీ మూవీస్ సంస్థ నిర్మిస్తోంది. సెల్యూట్ అనే మరో చిత్రంలోనూ నటిస్తున్నాడు. ఈ చిత్రంలో దుల్కర్ పోలీస్గా కనిపించనున్నాడు. రోషన్ ఆండ్రూస్ ఈ సినిమాకు దర్శకత్వం వహిస్తున్నాడు. అంతేకాక 'ఓతిరమ్ కడకమ్' అనే యాక్షన్ సినిమాలోనూ దుల్కర్ నటిస్తున్నాడు. ఈ చిత్రానికి సౌబిన్ షాహిర్ దర్శకుడు.
ఇదీ చదవండి: నిహారిక భర్త చైతన్య న్యూసెన్స్ కేసు రాజీ
