ప్రతిష్టాత్మక చిత్రం 'బాహుబలి'తో టాలీవుడ్ స్థాయిని పెంచిన దర్శకుడు ఎస్.ఎస్.రాజమౌళి. తన తొలి సినిమా 'స్టూడెంట్ నెం.1' విడుదలై నేటికి(శుక్రవారం) 18 ఏళ్లు పూర్తయింది. ఈ సందర్భంగా గత జ్ఞాపకాలు గుర్తు చేసుకున్న ఈ డైరక్టర్.. ఓ ఆసక్తికర ఫొటోను పంచుకున్నాడు. ఆ సినిమా సెట్లో జూ.ఎన్టీఆర్తో ఉన్నప్పుడు, ప్రస్తుతం అతడితో ఉన్న ఫొటోను కలిపి సామాజిక మాధ్యమాల్లో పోస్ట్ చేశాడు.
" స్టూడెంట్ నెం.1 విడుదలై నేటికి 18 ఏళ్లు!!. కాకతాళీయంగా మేం ఇప్పుడు రామోజీఫిల్మ్ సిటీలోనే ఉన్నాం. ఎంతో మారింది. అతడు(జూ.ఎన్టీఆర్) సన్నగా మారాడు. నాకు వయసు పెరిగింది. ఇద్దరి తెలివితేటలు మెరుగయ్యాయి". -ఎస్.ఎస్.రాజమౌళి, దర్శకుడు
ప్రస్తుతం వీరిద్దరూ 'ఆర్.ఆర్.ఆర్' సినిమాతో బిజీగా ఉన్నారు. రామోజీ ఫిల్మ్సిటీలో షూటింగ్ జరుపుకుంటోంది. రామ్చరణ్ మరో హీరోగా నటిస్తున్నాడు. కీరవాణి సంగీతమందిస్తున్నాడు. కొమురం భీమ్గా జూ.ఎన్టీఆర్, అల్లూరి సీతారామరాజు పాత్రలో చరణ్ కనిపించనున్నారు. వచ్చే ఏడాది జులై 30న ప్రేక్షకుల ముందుకు రానుందీ చిత్రం.
ఇవీ చదవండి:
