Bheemla nayak movie: సంక్రాంతి విడుదలకు సిద్ధమవుతున్న పవర్స్టార్ పవన్ కల్యాణ్ 'భీమ్లానాయక్'.. చివరిదశ షూటింగ్లో బిజీగా ఉంది. ప్రస్తుతం వికారాబాద్లో చిత్రీకరణ జరుగుతున్నట్లు తెలుస్తోంది.
అడవి బ్యాక్డ్రాప్లో తెరకెక్కుతున్న ఈ సినిమాలో పవన్.. ఫారెస్ట్ పోలీస్ అధికారిగా నటించారు. రానా మరో ప్రధాన పాత్ర పోషించారు. నిత్యామేనన్, సంయుక్త హెగ్డే హీరోయిన్లు. త్రివిక్రమ్ స్క్రీన్ప్లే మాటలు అందించగా, సాగర్ కె చంద్ర దర్శకత్వం వహించారు. జనవరి 12న థియేటర్లలోకి ఈ సినిమా రానుంది.
Trivikram wife dance play: స్టార్ డైరెక్టర్ త్రివిక్రమ్ శ్రీనివాస్ సతీమణి సౌజన్య శ్రీనివాస్.. 'మీనాక్షి కల్యాణం' నృత్యరూపక ప్రదర్శన ఇవ్వనున్నారు. హైదరాబాద్లోని శిల్పాకళావేదికలో శుక్రవారం సాయంత్రం 6 గంటలకు ఈ కార్యక్రమం ప్రారంభం కానుంది. దీనికి ముఖ్యఅతిథిగా హీరో పవన్కల్యాణ్ విచ్చేయనున్నారు.
స్వతహాగా స్నేహితులైన త్రివిక్రమ్-పవన్కల్యాణ్.. ఇప్పటివరకు మూడు సినిమాలు చేశారు. వీటిలో 'జల్సా', 'అత్తారింటికి దారేది'.. అద్భుతమైన హిట్లు సాధించగా, 'అజ్ఞాతవాసి'.. ప్రేక్షకుల మనసులు గెలుచుకోవడంలో విఫలమైంది. ప్రస్తుతం వీరిద్దరూ కలిసి పనిచేస్తున్న సినిమా 'భీమ్లా నాయక్'.
Arjuna phalguna release date: శ్రీవిష్ణు 'అర్జున ఫాల్గుణ' రిలీజ్ డేట్ ఖరారైంది. ఈ డిసెంబరు 31న థియేటర్లలోకి సినిమాను తీసుకురానున్నట్లు ప్రకటించారు. ఇందులో అమృత అయ్యర్ కథానాయిక. ఈ చిత్రంలో శ్రీవిష్ణు, హీరో ఎన్టీఆర్కు అభిమానిగా కనిపించనున్నారు.
విభిన్న కథతో తెరకెక్కిన ఈ సినిమాకు తేజ మర్ని దర్శకత్వం వహించారు. మ్యాట్నీ ఎంటర్టైన్మెంట్స్ పతాకంపై నిరంజన్ రెడ్డి, అవినాష్ రెడ్డి నిర్మించారు.
*1971 యుద్ధ నేపథ్యంగా తీస్తున్న సినిమా 'పిప్పా'. ఇషాన్ కట్టర్, మృణాల్ ఠాకుర్ హీరోహీరోయిన్లుగా నటిస్తున్నారు. ఈ సినిమా విడుదల తేదీని వచ్చే ఏడాది డిసెంబరు 9గా నిర్ణయిస్తూ పోస్టర్ను రిలీజ్ చేశారు.
ఈ సినిమా షూటింగ్ అమృత్సర్, పశ్చిమబెంగాల్, ముంబయి, అహ్మద్నగర్లలో చేశారు. ఏఆర్ రెహమాన్ సంగీతమందిస్తుండగా, రాజ్ మేనన్ దర్శకత్వం వహిస్తున్నారు. రోనా స్క్రూవాలా, సిద్ధార్థ్ రాయ్ కపూర్ సంయుక్తంగా నిర్మిస్తున్నారు.
*'స్కామ్ 1992' ఫేమ్ ప్రతీక్ గాంధీ ప్రధాన పాత్రలో నటిస్తున్న కొత్త సినిమా షూటింగ్ పూర్తయింది. ఈ విషయాన్ని చిత్రబృందం గురువారం వెల్లడించింది. ఇందులో విద్యాబాలన్, ఇలియానా కీలకపాత్రలు పోషిస్తున్నారు. యాడ్ ఫిల్మ్మేకర్ శిరీష గుహ.. ఈ సినిమాతో దర్శకురాలిగా పరిచయమవుతున్నారు.
ఇవీ చదవండి:
