పవర్స్టార్ పవన్కల్యాణ్(Pawan Kalyan) సినిమాకూ లీకుల బెడద తప్పడం లేదు. ఆయన దగ్గుబాటి రానాతో(Rana Daggubati) కలిసి నటిస్తున్న 'అయ్యప్పనుమ్ కోశియుమ్' రీమేక్కు సంబంధించిన ఓ వీడియో ఇప్పుడు సోషల్మీడియాలో వైరల్గా మారింది. పవన్, రానా, నిత్యామేనన్ మధ్య జరిగే సన్నివేశాలకు సంబంధించిన వీడియో లీక్ అయ్యింది. అందులో పవన్-రానా మధ్య మాటలయుద్ధం జరుగుతున్నట్లు కనిపిస్తోంది.
మలయాళంలో సూపర్‌హిట్‌గా నిలిచిన 'అయ్యప్పనుమ్ కోషియుమ్'కు (Ayyappanum Koshiyum) రీమేక్‌గా ఈ సినిమా తెరకెక్కుతోంది. ఇందులో పవన్కల్యాణ్ బీమ్లా నాయక్ అనే పవర్ఫుల్ పోలీస్ ఆఫీసర్ పాత్రలో నటిస్తున్నారు. మరోవైపు రానా దగ్గుబాటితో పాటు ఐశ్వర్యారాజేశ్(Aishwarya Rajesh), నిత్యామేనన్(Nithya Menen) కీలకపాత్రల్లో నటిస్తున్నారు. సాగర్‌ కె.చంద్ర దర్శకత్వంలో రానున్న ఈ సినిమాకు ప్రముఖ దర్శకుడు త్రివిక్రమ్‌ శ్రీనివాస్‌(Trivikram Srinivas) మాటల రచయితగా వ్యవహరించనున్నారు. ఇటీవలే విడుదలైన బీమ్లా నాయక్ ఇంట్రో వీడియో ప్రేక్షకులను ఆకట్టుకుంది. వచ్చే ఏడాది సంక్రాంతి కానుకగా ఈ సినిమాను విడుదల చేయనున్నారు.
ఇదీ చూడండి.. షూటింగ్కు సిద్ధమైన పవన్-రానా మల్టీస్టారర్!
