బాలీవుడ్ నటి ఆలియా భట్.. దాదాపు రూ.32 కోట్ల విలువైన ఫ్లాట్ను కొనుగోలు చేసినట్లు తెలుస్తోంది. రూమర్ బాయ్ఫ్రెండ్ రణ్బీర్ కపూర్ ఉంటున్న కాంప్లెక్స్లోనే ఈమె ఉండనున్నట్లు తెలుస్తోంది. అతడికి దగ్గరగా ఉండేందుకే ఆమె ఈ నిర్ణయం తీసుకున్నట్లు తెలుస్తోంది.
రణ్బీర్ కోసమేనా?
రణ్బీర్ ముంబయి పాలీహిల్ 'వాస్తు' కాంప్లెక్స్లోని ఏడో అంతస్తులో ఉంటున్నాడు. ఇప్పుడు అలియా అదే భవనం ఐదో ఫ్లోర్లో రూ. 32 కోట్లు విలువైన ఫ్లాట్ కొనుగోలు చేసినట్లు సమాచారం. అలియా ఇదంతా తన ప్రియుడు కోసమే చేస్తోందని నెటిజన్లు చర్చించుకుంటున్నారు.
దీపావళి రోజున గృహప్రవేశం
జూహూలో సోదరి షాహీన్ భట్తో కలిసి ఉంటున్న ఆలియా.. త్వరలో కొత్త ఇంటికి మారనుంది. అంతలో ఆ ఇంటిని అందంగా డెకరేట్ చేసేందుకు షారుక్ ఖాన్ భార్య గౌరీఖాన్ను ఈమె సంప్రదించిందట. అలానే దీపావళి రోజున కుటుంబసభ్యులతో పాటు రణ్బీర్, కరణ్ జోహార్ లాంటి సన్నిహితుల సమక్షంలో ఆలియా కొత్త ఇంట్లోకి గృహప్రవేశం చేసిందట.
'ఆర్ఆర్ఆర్' పాటు 'బ్రహ్మాస్త్ర'
ఆలియా ప్రస్తుతం 'ఆర్ఆర్ఆర్'లో సీత పాత్రలో నటిస్తోంది. ఇందులో అల్లూరి సీతారామరాజుగా నటిస్తున్న రామ్చరణ్కు జోడీగా నటించనుంది. రణ్బీర్ సింగ్తో కలిసి 'బ్రహ్మాస్త్ర' సినిమా చేస్తోంది. ఈ రెండు వచ్చే ఏడాది థియేటర్లలో విడుదల కానున్నాయి.
ఇదీ చూడండి: మాజీప్రియుడి ఫొటోను డీపీగా పెట్టుకున్న దీపిక..!
