బాలీవుడ్ స్టార్ హీరో అక్షయ్ కుమార్ స్పీడు మామూలుగా లేదు. కరోనా కాలంలోనే 'లక్ష్మీ బాంబ్', 'బెల్ బాటమ్' చిత్రాలతో ప్రేక్షకుల ముందుకు వచ్చిన ఆయన.. ఇప్పుడు ఏకంగా 9 సినిమాల్లో నటిస్తున్నారు. ఆయన నటించిన 'సూర్యవంశీ' ఇటీవల థియేటర్లలో విడుదలైంది. మరో రెండు సినిమాలు విడుదలకు సిద్ధంగా ఉన్నాయి. ఇంకొన్ని సెట్స్పై ఉండగా.. మరికొన్నింటికి కమిట్ అయ్యారు అక్కీ భాయ్.
బచ్చన్ పాండే..
అక్షయ్ కుమార్ గ్యాంగ్స్టర్ పాత్రలో తెరకెక్కుతున్న చిత్రం 'బచ్చన్పాండే'(BachchanPandey) ఇటీవల ఈ చిత్రం చివరి షెడ్యూల్ మొదలుపెట్టేశారు. 200 మంది ఆర్టిస్టులతో ఓ సినిమా హాల్లో షూటింగ్ జరిగింది. ఈ చిత్రంలో కృతిసనన్(krithi sanon), జాక్వెలిన్ ఫెర్నాండెజ్ హీరోయిన్లుగా నటిస్తున్నారు. ఫర్హాద్ సమ్జీ దర్శకత్వం వహిస్తున్నారు. గ్యాంగ్స్టర్ డ్రామా కథతో దీనిని తెరకెక్కిస్తున్నారు.
పృథ్వీరాజ్..
అక్షయ్కుమార్ నటించిన 'పృథ్వీరాజ్' సినిమా నవంబరు 5న విడుదల కావాల్సి ఉండగా వాయిదా పడింది. ఇందులో అక్షయ్తో పాటు మానుషీ చిల్లర్, సంజయ్ దత్, సోనూ సూద్ నటించారు. చంద్రప్రకాశ్ ద్వివేది దర్శకత్వం వహించారు.
ఆకాశం నీ హద్దురా.. రీమేక్లో
తమిళ నటుడు సూర్య కథానాయకుడిగా సుధా కొంగర దర్శకత్వంలో తెరకెక్కిన చిత్రం 'సూరారై పోట్రు'. తెలుగులో ఈ సినిమా 'ఆకాశం నీ హద్దురా' పేరుతో విడుదలైంది. ఎయిర్‌ దక్కన్‌ వ్యవస్థాపకుడు జీఆర్‌ గోపీనాథ్‌ జీవిత కథ ఆధారంగా సినిమాని తెరకెక్కించారు. ఈ చిత్రం ప్రశంసలు అందుకుంది. తాజాగా ఈ చిత్రాన్ని బాలీవుడ్లోకి తీసుకెళ్లేందుకు అక్షయ్ సిద్ధమైనట్లు సమాచారం.
మరోసారి శివుడిగా..
అక్షయ్కుమార్, పరేశ్ రావల్, మిథున్ చక్రవర్తి ప్రధాన పాత్రల్లో తెరకెక్కిన బ్లాక్ బస్టర్ మూవీ 'ఓ మై గాడ్'(akshay kumar oh my god 2). దీనికి సీక్వెల్గా 'ఓ మై గాడ్ 2' రూపొందుతోంది. ఇందులో అక్షయ్ మరోసారి దేవుడి పాత్రలో(పరమేశ్వరుని) కనిపించనున్నారు. ఇందుకు సంబంధించిన లుక్ను విడుదల చేసింది చిత్రబృందం.
అత్రాంగి రే..
బాలీవుడ్ సూపర్ స్టార్ అక్షయ్ కుమార్, సారా అలీ ఖాన్ జంటగా నటిస్తున్న 'అత్రాంగి రే'(akshay kumar new movie) సినిమా షూటింగ్ ఇటీవల పూర్తైంది. ఏఆర్ రెహమాన్ సంగీతం అందిస్తున్న ఈ సినిమాలో తమిళ నటుడు ధనుష్ కూడా ప్రధాన పాత్రలో నటిస్తున్నారు. ఆనంద్ ఎల్.రాయ్ దర్శకత్వం వహిస్తున్న ఈ సినిమా ఆగస్టు 6న విడుదల కావాల్సి ఉండగా వాయిదా పడింది.
రక్షా బంధన్..
అన్నా చెల్లెల్ల బంధానికి ప్రతీకగా నిలిచే కథతో ఈ సినిమా తీస్తున్నారు అక్షయ్(akshay kumar new movie). తన కెరీర్లో అత్యంత వేగంగా ఒప్పుకొన్న చిత్రమిదని అక్షయ్ చెప్పారు. ఆనంద్ ఎల్ రాయ్ దీనికి దర్శకుడు. ఈ సినిమా నవంబరు 5న విడుదల కావాల్సి ఉండగా.. వాయిదా పడింది.
రాక్షసుడు రీమేక్లో..
'రాక్షసుడు' హిందీ రీమేక్లో అక్షయ్ కుమార్(akshay kumar new movie) నటిస్తున్నట్లు సమాచారం. తెలుగులో ఈ చిత్రానికి రమేశ్ కుమార్ దర్శకత్వం వహించారు. ప్రస్తుతం ఆయన రవితేజతో 'కిలాడీ' చిత్రం చేస్తున్నారు. కిలాడీ సినిమా పూర్తైన వెంటనే.. షూటింగ్ మొదలుపెట్టనున్నట్లు సమాచారం.
రామ్సేతు..
అక్షయ్ చేస్తున్న ఆసక్తికర సినిమా 'రామ్ సేతు'(akshay kumar new movie). నిజమా? కల్పన? అనే ట్యాగ్లైన్తో చిత్రం రూపొందుతోంది. 'రామ్సేతు' ప్రస్తుతం చిత్రీకరణ దశలో ఉంది. ఈ చిత్రానికి అభిషేక్ శర్మ దర్శకుడు.
'గోర్ఖా'లో ఆర్మీ మేజర్గా..
అక్షయ్ కుమార్ ఆర్మీ మేజర్గా నటిస్తున్న చిత్రం 'గోర్ఖా'. ఈ చిత్రానికి సంబంధించి ఫస్ట్లుక్ను ఇప్పటికే విడుదల చేశారు. భారత ఆర్మీ మేజర్ ఇయాన్ కర్డోజో జీవితం ఆధారంగా ఈ సినిమాను తెరకెక్కిస్తున్నారు. 1962, 1965, 1971 ఇండో- పాక్ యుద్ధంలో మేజర్ ఇయాన్ భాగమయ్యారు. ఈ సినిమాకు ఆనంద్ ఎల్.రాయ్ నిర్మాతగా వ్యవహరిస్తున్నారు. అక్షయ్తో ఈయన అత్రంగీ రే, రక్షా బంధన్ సినిమాలు తీశారు. ఇప్పుడు రూపొందించే 'గోర్ఖా'(akshay kumar new movie) చిత్రానికి సంజయ్ సింగ్ పూరాన్ దర్శకత్వం వహిస్తున్నారు. వచ్చే ఏడాది ఈ చిత్రం ప్రేక్షకుల ముందుకు రానుంది.
ఇదీ చూడండి: నటనలోనే కాదు.. పెయింటింగ్లోనూ టాపే..
