మలయాళ నటుడు దుల్కర్ సల్మాన్(dulquer salman movies) యునైటెడ్‌ అరబ్‌ ఎమిరేట్స్‌ (యూఏఈ) జారీ చేసే 'గోల్డెన్ వీసా'ను(golden visa) పొందారు. యూఏఈ ప్రభుత్వ అధికారులు తనకు వీసా అందిస్తున్న ఫొటోను ఆయన సామాజిక మాధ్యమాల్లో పోస్ట్ చేశారు.
"ఈ వీసాను తీసుకోవడం చాలా సంతోషంగా ఉంది. సినిమా రంగానికి సంబంధించి అబుదాబి ప్రభుత్వం రూపొందించిన భవిష్యత్తు ప్రణాళిక అద్భుతంగా ఉంది. ఈ ప్రభుత్వం స్థానికంగా, అంతర్జాతీయంగా కొత్త ప్రతిభను ప్రోత్సహించనుంది. అబుదాబి, యూఏఈలో షూటింగ్‌ కోసం ఎదురుచూస్తున్నా. ఇకపై ఎక్కువ సమయం ఇక్కడ గడపొచ్చు."
- దుల్కర్, హీరో.
ప్రముఖ నటుడు మమ్ముట్టి తనయుడు దుల్కర్ సల్మాన్. 'మహానటి'(dulquer salmaan remuneration for mahanati) చిత్రంలో జెమిని గణేశ్‌గా నటించి తెలుగు ప్రేక్షకులకు దగ్గరయ్యారు. ప్రస్తుతం హనురాఘవపూడి దర్శకత్వంలో ఓ చిత్రం చేస్తున్నారు. ఇందులో లెఫ్టినెంట్ రామ్‌గా కనిపించనున్నారు.
ఇదీ చూడండి: Saidabad Incident: రాజు ఆత్మహత్య.. స్పందించిన ప్రముఖులు
