మలయాళ హీరో పృథ్వీరాజ్ 'అదు జీవితం' చిత్రబృందంలో ఇద్దరికి కరోనా పాజిటివ్గా తేలింది. షూటింగ్ నిమిత్తం ఇటీవలే జోర్డాన్ నుంచి 58 మంది సభ్యులు భారత్కు వచ్చారు. వారిలో 58 ఏళ్ల అనువాదకుడితో పాటు మరో వ్యక్తికి వైరస్ సోకినట్లు నిర్ధారించారు. ప్రస్తుతం వీరిని ఆసుపత్రిలో ఉంచి చికిత్సను అందిస్తున్నారు.
అసలేం జరిగింది?
'అదు జీవితం' చిత్రీకరణ కోసం మార్చి రెండో వారంలో 58 మంది సభ్యుల బృందం జోర్డాన్ వెళ్లింది. వాడి రమ్ ఎడారిలో కొన్ని సన్నివేశాలు తీశారు. సరిగ్గా అదే సమయంలో భారత్తో పాటు ఇతర దేశాల్లో కరోనా వ్యాప్తి కారణంగా లాక్డౌన్ విధించారు. దీంతో వీరంతా అక్కడే చిక్కుకుపోయారు. 'వందే భారత్' మిషన్లో భాగంగా మే 22న స్వదేశానికి తిరిగొచ్చారు. ఆ తర్వాత రెండు వారాల పాటు హోమ్ క్వారంటైన్లో ఉన్నారు. వారందరికీ తాజాగా పరీక్షలు నిర్వహించగా, హీరో పృథ్వీరాజ్కు నెగిటివ్ వచ్చింది. మిగిలిన వారిలో ఇద్దరికి వైరస్ సోకినట్లు తేలింది.
'అదుజీవితం' అనే నవల ఆధారంగా ఈ సినిమా తీస్తున్నారు. ఇందులో పృథ్వీరాజ్తో పాటు అమలాపాల్, అపర్ణ బాలమురళి తదితరులు కీలకపాత్రలు పోషిస్తున్నారు. బ్లెస్సీ దర్శకత్వం వహిస్తున్నారు.
ఇవీ చదవండి:
