22 Crucial Seats In MP : మధ్యప్రదేశ్లో ముస్లిం ఓటర్లపై కాంగ్రెస్ ఆశలు పెట్టుకుందా? అంటే అవుననే సమాధానం వినిపిస్తోంది. ఆ రాష్ట్రంలో తాడోపేడో తేల్చే 22 సీట్లలో ముస్లిం ఓటర్లపైనే కాంగ్రెస్ ఆశలు పెట్టుకుంది. ఈసారి ముస్లింలు మొగ్గుచూపేది ఎటువైపు? కాంగ్రెస్పై వారి అభిప్రాయమేమిటి? ఆ వర్గాన్ని కాంగ్రెస్ ఏ మేర ప్రసన్నం చేసుకోగలదు? అనే ప్రశ్నలు వ్యక్తమవుతున్నాయి.
2018 ఎన్నికల్లో బీజేపీ 41.02 శాతం సాధించి 109 అసెంబ్లీ సీట్లు దక్కించుకుంది. కాంగ్రెస్ 40.89 శాతం ఓట్లు సాధించింది. బీజేపీ కన్నా కాంగ్రెస్ కాస్త తక్కువ ఓటు శాతం సాధించినా.. 114 నియోజకవర్గాల్లో గెలుపొందింది. అయితే ఎప్పటి నుంచో మధ్యప్రదేశ్లో కాంగ్రెస్, బీజేపీ మధ్య ద్విముఖ పోరు జరుగుతోంది. మధ్యప్రదేశ్ ఓటర్లు బీజేపీపై కోపం వచ్చినప్పుడు కాంగ్రెస్కు, కాంగ్రెస్పై కోపంగా ఉన్నప్పుడు బీజేపీకి పట్టం కడుతున్నారు. అయితే గత ఐదేళ్లలో కాంగ్రెస్ (15 నెలలు), బీజేపీ (మిగతా కాలం) అధికారం పంచుకున్నాయి. దీంతో ఇప్పుడు మధ్యప్రదేశ్ ప్రజలు ఎవరికి అధికారం ఇస్తారన్నది ఆసక్తికరంగా మారింది. ఈ క్రమంలో ముస్లిం ఓటు బ్యాంకు కాంగ్రెస్కు ఆశలురేపుతోంది.
Madhya Pradesh Assembly Election 2018 : 230 అసెంబ్లీ స్థానాలు ఉన్న మధ్యప్రదేశ్లో 47 స్థానాల్లో ముస్లిం ఓటర్లు ప్రభావం చూపించే అవకాశం ఉంది. అందులో హోరాహోరీ పోరు నెలకొనే 22 నియోజకవర్గాల్లో ముస్లిం ఓటింగ్ డిసైడింగ్ ఫ్యాక్టర్ కానుంది. '90 శాతం మైనార్టీల ఓట్లు తమకు అనుకూలంగా వస్తే కాంగ్రెస్ ప్రభుత్వాన్ని ఏర్పాటు చేయగలదు' అని 2018 ఎన్నికలకు ముందు పీసీసీ చీఫ్ కమల్నాథ్ చెప్పారు. దాని ప్రకారం 2018 ఎన్నికల్లో కాంగ్రెస్ 10-12 సీట్లు ఎక్కువగా గెలవగలిగిందని కాంగ్రెస్కు చెందిన మధ్యప్రదేశ్ ముస్లిం వికాస్ పరిషత్ కన్వీనర్ మహ్మద్ మహిర్ అన్నారు. అయితే మహిర్ అన్నట్లుగా రాష్ట్రంలో 9-10 శాతం ఉన్న ముస్లింల మద్దతుంటే ఈ సారి కూడా కాంగ్రెస్ సులభంగా మ్యాజిక్ ఫిగర్ దాటే అవకాశముంది.
ముస్లిం ప్రభావం ఎక్కువ ఉన్న 47 స్థానాల్లో ఓటర్ల సంఖ్య 5 వేల నుంచి 15 వేల మధ్యలో ఉండగా.. 22 నియోజక వర్గాల్లో 15 వేల నుంచి 35 వేల మధ్యలో ఉందని మహిర్ చెబుతున్నారు. ఈ స్థానాల్లో కాంగ్రెస్ ఓటర్లను ఆకట్టుకుంటే.. తమ సీట్లను పెంచుకునే అవకాశం ఉంటుంది. 47 సీట్లలో సగానికి పైగా సులభంగా దక్కించుకునే అవకాశం ఉంది. అయితే తమ ముస్లిం అభ్యర్థులకు సంప్రదాయ కాంగ్రెస్ ఓటర్లను (నాన్-ముస్లింలతో కలిపి) ఆ పార్టీ మళ్లించలేకపోతోందని మహిర్ పేర్కొన్నారు. ఇదే కనుక నిజమైతే ఆ ఓటర్లను ప్రసన్నం చేసుకుని.. బూత్ వరకు వారిని నడిపించడం కాంగ్రెస్ బాధ్యతే.
ఇక మధ్యప్రదేశ్లో భోపాల్ నార్త్, భోపాల్ సెంట్రల్ నియోజకవర్గాల్లోనే ముస్లింల ప్రాతినిధ్యం ఉంది. రెండు స్థానాల నుంచి ఆరిఫ్ ఇక్బాల్, ఆరిఫ్ మసూద్ 2018 ఎన్నికల్ల పోటీ చేసి గెలిచారు. అంతకుముందు 1998 అసెంబ్లీ ఎన్నికల్లో భోపాల్ నార్త్, సత్నా స్థానాల్లో ఆరిఫ్ అకీల్, ఆరిఫ్ సయూద్ గెలుపొందారు. 2003లో బుర్హాన్పుర్ నుంచి హమీద్ ఖాజీ ఎన్నికయ్యారు. అయితే ఈ నియోజకవర్గాల్లో బీజేపీ ముస్లింలను బరిలోకి దింపినా.. సఫలం కాలేకపోయింది. ఈసారి భోపాల్ నార్త్ స్థానంలో ఆరిఫ్ ఇక్బాల్ బదులు.. అతడి కుమారుడు ఆతిఫ్ ఇక్బాల్ సిటీ మేయర్ ఆలోక్ శర్మపై పోటీ చేస్తున్నారు. భోపాల్ సెంట్రల్ నుంచి ఆరిఫ్ మసూద్.. ధృవ్ నారాయణ్ సింగ్పై పోటీకి దిగుతున్నారు. అయితే నాన్-ముస్లిం ఓట్లు కూడా కూడగడితే ఈ నియోజకవర్గాల్లో ఈసారి ముస్లిం అభ్యర్థి ఎన్నికయ్యే అవకాశం ఉంది.
అయితే ముస్లింలను కాంగ్రెస్ మోసం చేసిందని మధ్యప్రదేశ్ వక్ఫ్ బోర్ట్ ఛైర్మన్, బీజేపీ అధికార ప్రతినిధి సన్వర్ పటేల్ ఆరోపించారు. "53 ఏళ్ల పాలనలో ముస్లింలకు ఏం చేయకుండానే.. ఎన్నికల్లో కేవలం ఇద్దరిని నిలబెట్టి 90-100 శాతం కాంగ్రెస్ అనుకుంటోంది. తమ పార్టీ మైనారిటీ వర్గాలకు అభ్యర్థులకు టిక్కెట్లు ఇవ్వడమే కాకుండా.. వారి సామాజిక-ఆర్థిక వృద్ధికి హామీ ఇచ్చింది కాంగ్రెస్ అధికారంలో ఉన్నప్పుడు వారు వెనుకబడి ఉన్నారు. బీజేపీ అన్ని వర్గాలను కలుపుకొని పోవడాన్ని విశ్వసిస్తుంది" అని ఆయన చెప్పారు. అయితే, బీజేపీ ఇన్ని చెబుతున్నా ముస్లింలను బీజేపీ ఆకట్టుకోలేకపోతోంది. అది కాంగ్రెస్కు కలిసివస్తోంది.
అయితే మధ్యప్రదేశ్లో రెండు జాతీయ పార్టీలకు మ్యాజిక్ ఫిగర్కు అటుఇటుగా సీట్లు వస్తాయని విశ్లేషకులు అంచనా వేస్తున్నారు. అదే సమయంలో ఉత్తర్ప్రదేశ్, బిహార్లా కాకుండా మధ్యప్రదేశ్లో ముస్లిం ఫ్యాక్టర్ భారీ స్థాయిలో ప్రభావం చూపించకపోవచ్చని తమ అభిప్రాయం వ్యక్తం చేస్తున్నారు. మధ్యప్రదేశ్ అసెంబ్లీకి నవంబర్ 17న ఒకే విడతలో పోలింగ్ జరగనుంది. డిసెంబర్ 3న ఫలితాలు వెలువడతాయి.
Madhya Pradesh Assembly Election 2018 Result : గత ఎన్నికలల్లో 114 సీట్లు గెలిచి మ్యాజిక్ ఫిగర్కు అతి చేరువగా వచ్చిన కాంగ్రెస్.. సంకీర్ణ ప్రభుత్వం ఏర్పాటు చేసింది. అనంతరం 15 నెలల్లోనే ఆ ప్రభుత్వం కుప్పకూలింది. ఆ తర్వాత శివరాజ్ సింగ్ చౌహాన్ ముఖ్యమంత్రిగా బీజేపీ ప్రభుత్వం కొలువుదీరింది.
