దారుణం: ఇచ్చిన డబ్బు అడిగినందుకు హత్య

ఇచ్చిన డబ్బు అడిగినందుకు గొంతునులిమి హతమార్చిన ఘటన జగిత్యాల జిల్లా కేంద్రంలో చోటుచేసుకుంది. తీసుకున్న డబ్బు ఇస్తానని చెప్పి.. తాను అనుకున్న స్థలానికి రప్పించుకుని గొంతు నులిమి చంపాడు. ఈ హత్యలో అతనికి మరొకరు సహకరించారు. అనంతరం ఇద్దరు కలిసి మృతదేహాన్ని పూడ్చిపెట్టారు. కానీ పక్కా సమాచరంతో పోలీసులు మృతదేహాన్ని వెలికితీశారు. నిందితులను అరెస్టు చేశారు.

జగిత్యాల జిల్లా కేంద్రం వాణినగర్‌కు చెందిన తీపిరెడ్డి గంగారెడ్డి.. నరేశ్‌ అనే వ్యక్తికి డబ్బు ఇచ్చాడు. తర్వాత కొద్దిరోజులకు ఇచ్చిన డబ్బు అడగ్గా.. నరేశ్​ ఇవ్వలేదు. దీంతో గత కొంతకాలంగా వీరిద్దరి మధ్య వాగ్వాదం జరుగుతూ వచ్చింది. ఈ క్రమంలోనే మంచినీళ్ల బావి సమీపం వద్దకు డబ్బు ఇస్తామని గంగారెడ్డిని పిలిచి నరేశ్‌ గొంతునులిమి హత్యచేశాడు. నరేశ్‌కు మరో వ్యక్తి సహకరించాడు. హత్య చేసిన అనంతరం పూడ్చిపెట్టారు.

పూడ్చిపెట్టిన మృతదేహాన్ని సీఐ జయేశ్​ రెడ్డి వెలికితీశారు. వారికి అందిన పక్కా సమాచారంతోనే మృతదేహాన్ని పూడ్చిపెట్టిన స్థలాన్ని కనిపెట్టామని జయేశ్​ రెడ్డి తెలిపారు. నిందితులిద్దరిని పోలీసులు అదుపులోకి తీసుకున్నారు.

ఇదీ చదవండి: దారుణం.. ఇంటర్ విద్యార్థినిపై ప్రేమోన్మాది కత్తితో దాడి