కోరుట్ల నుంచి ఆర్మూర్ వైపు వెళ్తున్న ట్రాక్టర్ను ఓవర్ టేక్ చేయబోయి ఎదురుగా వస్తున్న లారీని కారు ఢీకొన్న ప్రమాదంలో ఇద్దరు మృతిచెందగా ఐదుగురు తీవ్రంగా గాయపడ్డారు. నిజామాబాద్ జిల్లా వేల్పూర్ మండలం కుకునూర్ గేట్ వద్ద దుర్ఘటన జరిగింది.
ఈ ప్రమాదంలో కారు నుజ్జునుజ్జు కాగా, ఆకస్మాత్తుగా బ్రేక్ వేయడంతో ట్రాక్టర్ బోల్తా కొట్టింది. మృతులను వేములవాడ ప్రాంతవాసులుగా పోలీసులు గుర్తించారు. క్షతగాత్రులను ఆర్మూరు ప్రభుత్వ ఆస్పత్రికి తరలించి చికిత్స అందిస్తున్నారు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
