కిడ్నాప్ చేశారా? అదృశ్యమయ్యారా?

నమాజ్ చేసుకునేందుకు మజీద్​కు వెళ్తున్నమని చెప్పి ఇంట్లోనుంచి వెళ్లిన చిన్నారులు అదృశ్యమైన ఘటన మెదక్ జిల్లా వెల్దుర్తి మండలంలో చోటు చేసుకుంది. పోలీసులు కేసు నమోదు చేసుకుని దర్యాప్తు చేస్తున్నారు.

మెదక్ జిల్లాలో ఇద్దరు చిన్నారులు కనిపించకుండా పోవడం స్థానికంగా కలకలం రేపింది. వెల్దుర్తి మండలం మూసాయిపేట గ్రామానికి చెందిన రియాన్(9), అర్మాన్(8) అన్నదమ్ములు. ఇరువురు మధ్యాహ్నం నమాజ్​ చేసేందుకు మజీద్​కు వెళ్లారు. అనంతరం వారు తిరిగి ఇంటికి రాలేదు.

తల్లిదండ్రులు బంధువులు, మిత్రుల ఇళ్ల వద్ద వెతికినా చిన్నారుల జాడ దొరకలేదు. అపహరణకు గురయ్యారన్న అనుమానంతో పోలీసులకు ఫిర్యాదు చేశారు. కేసు నమోదు చేసుకున్న చేగుంట పోలీసులు దర్యాప్తు ప్రారంభించారు.

ఇదీ చూడండి: బాలుడి కిడ్నాప్ డ్రామా... విస్తుపోయిన పోలీసులు!