Thailand Bomb Blast Today : సెంట్రల్ థాయిలాండ్లోని బాణసంచా పరిశ్రమలో పేలుడు సంభవించి సుమారు 23 మంది మరణించారు. రాజధాని బ్యాంకాక్కు వాయువ్య దిశలో 90 కి.మీల దూరంలోని సుఫాన్ బురీ ప్రావిన్సులో ఈ పేలుడు సంభవించిందని అధికారులు తెలిపారు. కాగా, ఘటన జరిగిన సమయంలో 20 నుంచి 30 మంది కార్మికులు పనిచేస్తున్నట్లు ఓ అధికారి చెప్పారు. అయితే ఫిబ్రవరిలో జరిగే చైనా నూతన ఏడాదిని పురస్కరించుకొనే డిమాండ్కు అనుగుణంగా ఇక్కడ పెద్ద ఎత్తున బాణసంచా తయారీ జరుగుతున్నట్లు స్థానికులు చెబుతున్నారు. గతేడాది నవంబర్లోనూ జరిగిన బాంబు పేలుడులో ఒక కార్మికుడు మృతి చెందగా ముగ్గురు గాయపడ్డారు.
నైజీరియాలో భారీ పేలుడు-ముగ్గురి మృతి
Nigeria Bomb Blast : మరోవైపు ఆఫ్రికా దేశం నైజీరియాలోనూ బుధవారం భారీ పేలుడు సంభవించింది. ఈ ఘటనలో ముగ్గురు మరణించారు. మరో 77 మంది గాయపడ్డారు. శిథిలాల కింద చిక్కుకున్న వారికోసం సహాయక చర్యలు కొనసాగుతున్నట్లు అధికారులు తెలిపారు.
10 మంది మృతి
ఇక గతేడాది జులైలో కూడా థాయిలాండ్లోనే ఓ బాణసంచా గోదాములో భారీ పేలుడు సంభవించింది. ఈ ఘటనలో 10 మంది ప్రాణాలు కోల్పోగా, 100 మందికిపైగా గాయపడ్డారు. నరాతీవత్ ప్రావిన్సులో జరిగిన ఈ పేలుడులో ఫ్యాక్టరీకి సుమారు 500 మీటర్ల పరిధిలో ఉన్న 100 వరకు ఇళ్లు దెబ్బతిన్నట్లు అధికారులు తెలిపారు. గోదాములో జరుగుతున్న నిర్మాణ పనుల్లో భాగంగా జరిపిన మెటల్ వెల్డింగ్ నుంచి వచ్చిన నిప్పురవ్వలతో లోపల నిల్వ ఉంచిన బాణసంచాకు మంటలు అంటుకుని పేలుడు సంభవించి ఉంటుందని నరాతీవత్ గవర్నర్ తెలిపారు.
103 మంది దుర్మరణం
Iran Bomb Blast : ఈనెల 3న ఇరాన్‌లో కూడా రెండు వరుస బాంబు పేలుళ్లు 103 మంది ప్రాణాలను బలిగొన్నాయి. ఈ ఘటనలో 188 మంది గాయపడ్డారు. 2020లో అమెరికా జరిపిన డ్రోన్‌ దాడిలో జనరల్ ఖాసీం సులేమానీ చనిపోగా ఆయన నాలుగో వర్ధంతి సందర్భంగా సమాధి వద్ద జరిగిన కార్యక్రమంలో ఈ బాంబు పేలుళ్లు జరిగాయి. జనరల్ ఖాసిమ్ సమాధి వద్దకు వందలాది మంది ఆయన అభిమానులు నడుచుకుంటూ వెళుతుండగా ఈ పేలుళ్లు జరిగాయని ఇరాన్ అధికారిక మీడియా వెల్లడించింది. ఇది ఉగ్రవాద దాడేనని కెర్మన్ డిప్యూటీ గవర్నర్ తెలిపారు. ఈ వార్త పూర్తి వివరాల కోసం ఈ లింక్పై క్లిక్ చేయండి.
మరింత తగ్గిన చైనా జనాభా- 2023లో భారీగా మరణాలు
పాక్లోని ఉగ్ర స్థావరాలపై ఇరాన్ దాడి - ఇద్దరు చిన్నారులు మృతి!
