చైనాలో కరోనా వైరస్ ఆవిర్భావం గురించి దర్యాప్తు చేసేందుకు వెళ్లిన నిపుణుల్లో ఒకరైన పీటర్ బెన్ ఎంబరెక్ తాజాగా సంచలన విషయాలు వెల్లడించారు. ఎలాంటి నైపుణ్యం, రక్షణ లేకుండానే కరోనా వైరస్పై వుహాన్ ల్యాబ్లో పరిశోధనలు జరిగాయని అన్నారు. ల్యాబ్లో భద్రతా ప్రమాణాలపై ఆందోళన వ్యక్తం చేశారు. దీంతో ల్యాబ్లో నుంచే వైరస్ లీక్ అయిందనే అనుమానాలకు బలం చేకూర్చినట్లైంది.
డానిష్ టీవీ2 డాక్యుమెంటరీలో భాగంగా ఈ విషయాలు వెల్లడించారు బెన్. జూన్లోనే రికార్డుచేసిన ఈ డాక్యుమెంటరీ తాజాగా బయటకు వచ్చింది. వుహాన్ మార్కెట్లో జంతువులకు, మనుషులకు మధ్య కాంటాక్ట్ అధికంగా ఉందని పేర్కొన్నారు.
"నాకు ఆందోళన కలిగించే విషయం ఆ ల్యాబ్ గురించే. హునాన్ మార్కెట్కు 500 మీటర్ల దూరంలోనే వుహాన్ చైనీస్ సీడీసీ ల్యాబ్ ఉంది. గబ్బిలాల నమూనాలు సేకరించే సమయంలో ల్యాబ్ సిబ్బంది కరోనా బారిన పడే అవకాశం ఎక్కువగా ఉంది."
-పీటర్ బెన్ ఎంబరెక్, డబ్ల్యూహెచ్ఓ నిపుణుడు
అయితే, వుహాన్లో పర్యటించిన డబ్ల్యూహెచ్ఓ బృందం ల్యాబ్ లీక్ థియరీని తొలుత ఖండించింది. ప్యాక్ చేసిన సముద్ర ఆహారం ద్వారా వైరస్ వ్యాపించిందనే అనుమానాలు వ్యక్తం చేసింది. కానీ తర్వాత మాత్రం.. ల్యాబ్ లీక్పై మాట మార్చింది. కరోనా ఇక్కడి నుంచి లీక్ అవ్వలేదని నిర్ధరణకు రావడం సరికాదని పేర్కొంది.
ఇవీ చదవండి:
