నిషేధిత చేతి గ్రెనేడ్తో ఆడుకుంటుండగా.. అది పేలి శుక్రవారం ముగ్గురు చిన్నారులు చనిపోయారు. ఈ దుర్ఘటన పాకిస్థాన్లోని సమస్యాత్మక ఖైబర్ పఖ్తుంఖ్వాలో జరిగింది. రాష్ట్రంలో ఈ తరహా ప్రమాదం జరగడం నెల తిరక్కుండానే ఇది రెండోది.
ఎలా జరిగిందంటే..
నస్రన్ జిల్లాలోని మారుమూల ప్రాంతంలో బహిరంగ ప్రదేశంలో చిన్నారులకు గ్రనేడ్ దొరికింది. ఆటవస్తువుగా భావించి దానిని ఇంటికి తీసుకొచ్చారు. అనంతరం దానితో ఆడుకుంటుండగా పేలి ప్రమాదం జరిగిందని అధికారులు తెలిపారు.
ఇంకా ముప్పులోనే..
పాకిస్థాన్లోని ఆదివాసీ జిల్లాలో కొన్నేళ్లుగా ఇలాంటి ప్రమాదాలు జరుగుతూనే ఉన్నాయి. తోటలు, బహిరంగ ప్రదేశాల్లో పేలుడు పదార్ధాలు అప్పుడప్పుడూ బయటపడుతూ ఉంటాయి. జూన్ 3న కూడా దక్షిణ వాజీరిస్థాన్లో ఆడుకుంటుండగా గ్రెనేడ్ పేలి ముగ్గురు పిల్లలు మృతిచెందారు.
ఇదీ చూడండి: లైవ్ వీడియో: ఉగ్రవాదుల గ్రనేడ్ దాడి- ఒకరు మృతి
