తైవాన్కు చెందిన చాంగ్షూకు పోర్న్హబ్లో చాంగ్షూమాత్666 అని వెరిఫైడ్ అకౌంట్ ఉంది. వాస్తవానికి పోర్న్హబ్ కన్నా ముందు ఇంకొన్ని సైట్లలో గణితానికి సంబంధించిన వీడియోలు పెట్టాడు. అడల్ట్ కంటెంట్ను మాత్రమే స్వీకరించే ఆ సైట్లు.. చాంగ్షూ వీడియోలను తొలగించాయి. ఆ తర్వాత పోర్న్హబ్లో అదృష్టాన్ని పరీక్షించుకున్నాడు చాంగ్షూ. ఇతర సైట్లలాగా నిబంధనలు లేకపోవడం వల్ల పోర్న్హబ్లో అతడి వీడియోలు ప్రసారమయ్యాయి.
'అడల్ట్ వీడియోలు ఉన్న చోట చాలా తక్కువమంది మ్యాథ్స్ నేర్పిస్తారు. అయితే ఆ సైట్లను చాలా మంది చూస్తారు. అక్కడ వీడియోలు పెడితే చాలా మంది చూస్తారు అని అనిపించింది. వీడియోలు పోస్ట్ చేశాను. ప్రజలు నా వీడియోలపై ఆసక్తి చూపించకపోవచ్చు. కానీ అడల్ట్ వీడియోలు ఉండే చోట గణితానికి సంబంధించిన వీడియోలు ఉన్నాయని వారికి తెలుస్తుంది. ఇదేదో కొత్తగా ఉంది అనుకంటూ నా వీడియోలు చూస్తారు,' అని చాంగ్షూ ఓ వార్తాపత్రికకు వెల్లడించాడు.
'వాస్తవానికి పోర్న్హబ్లో పాఠాలు చెప్పడం నా ఉద్దేశం కాదు. తైవాన్కు చెందిన ఓ టీచర్, లెక్కలు బాగా చెప్పగలడు అని ప్రపంచానికి తెలియజేయడం నా లక్ష్యం,' అని చాంగ్షూ స్పష్టం చేశాడు. ప్రజలు పోర్న్హాబ్లోని నా వీడియోలు చూడాలి, అప్పుడే నా సిబ్బందికి డబ్బులు ఇవ్వగలను. లెక్కల గురించి మరిన్ని వీడియోలు చేయగలను.
పోర్న్హబ్లో గణిత వీడియోలు ఎవరు చూస్తారు? అనుకుంటే పొరబడ్డట్టే. తాను పెట్టే వీడియోలతో చాంగ్షూ ఏడాదికి రూ. 2కోట్లు సంపాదిస్తున్నాడు.
ఈ వార్త సామాజిక మాధ్యమాల్లో వైరల్ కాగా.. 'లెక్కలు అర్థం కావడం ప్రజలకు చాలా కష్టం. అందుకే ఏ ఒక్క అవకాశాన్ని వదులుకోకూడదని, పోర్న్హబ్లోనూ తెగ చూసేస్తున్నారు,' అని నెటిజన్లు కామెంట్లు పెడుతున్నారు.
అయితే చాంగ్షూ చెప్పే పాఠాలు వినాలంటే, కచ్చితంగా పోర్న్హబ్ తెరవాల్సిన అవసరం లేదు. అతడి కంటెంట్.. యూట్యూబ్, ఇన్స్టాలో కూడా అందుబాటులో ఉంది.
ఇదీ చూడండి:- సీన్ రివర్స్.. ఆ 'సూపర్ హీరో'ను చుట్టుముట్టిన వివాదాలు
