యెమెన్లోని సాదా జైలుపై వైమానిక దాడికి పాల్పడింది సౌదీ. ఈ ఘటనలో 100మందికి పైగా ఖైదీలు మృతి చెందినట్లు యెమెన్లోని రెడ్ క్రాస్ అంతర్జాతీయ కమిటీ అధికార ప్రతినిధి బషీర్ ఓమర్ తెలిపారు. 100 మందికిపైగా గాయపడినట్లు చెప్పారు. మృతుల సంఖ్య మరింత పెరిగే అవకాశం ఉందన్నారు.
హౌతీ తిరిగుబాటు దారుల ఆధీనంలో ఉన్న సాదీ రాష్ట్రంలోకి వెళ్లేందుకు సహాయక బృందాలు ప్రయత్నాలు చేస్తున్నట్లు చెప్పారు బషీర్. పలువురు క్షతగాత్రులను ఇతర రాష్ట్రాలకు తరలించినట్లు తెలిపారు. తీరప్రాంత నగరం హొడేయిదాలో మరో వైమానిక దాడి జరిగి.. యెమెన్లో మొత్తం అంతర్జాల సేవలకు అంతరాయం ఏర్పడిందని, ఈ క్రమంలోనే శుక్రవారం ఉదయం జైలుపై దాడి జరిగినట్లు చెప్పారు.
