శ్రీలంక ప్రధాని మహీంద రాజపక్సతో పాటు ఆ దేశ రక్షణ మంత్రితో సమావేశమయ్యారు జాతీయ భద్రతా సలహాదారు అజిత్ డోభాల్. ఈ భేటీలో ద్వైపాక్షిక సంబంధాలు, ఇరు దేశాల మధ్య పరస్పర సహకారంపై ఫలప్రదమైన చర్చలు జరిగినట్లు అధికారులు తెలిపారు. ఈ నేపథ్యంలో శాంతి నెలకొల్పేందుకు ఇరుదేశాలు పరస్పరం ఏకాభిప్రాయానికి వచ్చాయని వెల్లడించారు.
'ఈ నేపథ్యంలో మోదీ తరపున శుభాకాంక్షలు తెలిపారు డోభాల్. పరస్పర సహకారంలో పురోగతి సాధించడానికి ఇరుదేశాల నేతల మధ్య జరిగిన వర్చువల్ ద్వైపాక్షిక సమ్మిట్ను గుర్తుచేసుకున్నారు' అని శ్రీలంకలోని భారతీయ ఉన్నతాధికారులు ట్వీట్ చేశారు.
ప్రధాని రాజపక్స ఆహ్వానం మేరకు శ్రీలంక చేరుకున్న డోభాల్.. మాల్దీవులు, శ్రీలంక దేశాలతో త్రైపాక్షిక మారిటైమ్ చర్చలు జరిపారు. మూడు దేశాల జాతీయ భద్రతా సలహాదారుల నాలుగో సమావేశానికి శ్రీలంక ఆతిథ్యం ఇచ్చింది. ఇంతకుముందు ఈ భేటీ ఆరేళ్ల క్రితం భారత్లో జరిగింది.
ఇదీ చూడండి: 'టీకా రాకపోతే ఆఫీసుకు వెళ్లేదెలా?'
