Afghan Avalanche: అఫ్గానిస్థాన్‌ ఈశాన్య ప్రాంతంలోని సరిహద్దుల్లో భారీ హిమపాతం సంభవించింది. ఈ ప్రమాదంలో 12 మంది మరణించారు. మరో తొమ్మిది మంది గాయపడ్డారు. ఓ వ్యక్తి ఆచూకి తెలియట్లేదని అధికారులు తెలిపారు. హిమపాతం సంభవించిన అనంతరం కొండచరియలు కూడా విరిగిపడ్డాయని వెల్లడించారు.
ఈ ఘటన జరిగిన వెంటనే సమీప గ్రామాల ప్రజలు సహాయం చేయడానికి వెళ్లారు. సోమవారం తెల్లవారుజామున మారుమూల ప్రాంతానికి రెస్క్యూ బృందాలను పంపినట్లు జిల్లా యంత్రాంగం కూడా తెలిపింది.
ఆగస్టులో తాలిబన్‌లు అఫ్గానిస్తాన్‌లో అధికారం చేపట్టిన తర్వాత పాకిస్థాన్ ఆఫ్గాన్తో సరిహద్దును మూసివేసింది. రెండు దేశాల సరిహద్దుల్లో 2,670 కి.మీ మేర పాకిస్థాన్ కంచె వేసింది.
ఇదీ చదవండి: దూసుకొచ్చిన కారు.. మహిళా కానిస్టేబుల్ సాహసంతో విద్యార్థిని సేఫ్
