నేపాల్ను భారీ వర్షాలు అతలాకుతలం చేస్తున్నాయి. వరదలకు తోడు కొండచరియలు విరిగిపడుతూ భారీగా ఆస్తి, ప్రాణ నష్టం సంభవిస్తోంది. తాజాగా సింధుపాల్చౌక్ జిల్లాలో కొండచరియలు విరిగిపడి 11 మంది మృతి చెందారు. ఐదుగురు తీవ్రంగా గాయప్డడారు. మరో 27 మంది ఆచూకీ గల్లంతు అయ్యింది.
" జిల్లాలోని జకల్ రూరల్ మున్సిపాలిటీ పరిధిలోని లిజిమొ లామా ప్రాంతంలో కొండచరియలు విరిగిపి 13 ఇళ్లు పూర్తిగా శిథిలాల్లో కూరుకుపోయాయి. ఈ దుర్ఘటనలో ఐదు కుటుంబాలకు చెందిన 27 మంది ఆచూకీ గల్లంతయ్యింది. 11 మంది ప్రాణాలు కోల్పోయారు. ఐదుగురికి తీవ్ర గాయాలయ్యాయి. ఈ ప్రాంతంలో ఉన్న మరో 30 ఇళ్లకు ప్రమాదం పొంచి ఉంది. "
- అధికారులు.
ఈ దుర్ఘటనలో తీవ్రంగా గాయపడిన ఐదుగురిని నేపాల్ ఆర్మీ హెలికాప్టర్ సాయంతో జిల్లా కేంద్రానికి తరలించారు. ఇప్పటి వరకు ఐదుగురు చిన్నారులు, నలుగురు పురుషులు, ఇద్దరు మహిళల మృతదేహాలను వెలికితీశారు అధికారులు. ఎడతెరిపిలేకుండా కురుస్తున్న వర్షాలతో సహాయక చర్యలకు ఆటంకం కలుగుతోందని తెలిపారు.
ఇదీ చూడండి: గల్వాన్ లోయ యోధులకు శౌర్య పతకం!
