Small business jet crash: అమెరికా శాన్ డియాగోలో విమానం కుప్పకూలి నలుగురు ప్రాణాలు కోల్పోయారు. చిన్నపాటి బిజినెస్ జెట్ విమానం.. నగరంలోని ఎల్ కజోన్ ప్రాంతంలో సోమవారం రాత్రి 7 గంటల తర్వాత కూలిపోయిందని ఫెడరల్ ఏవియేషన్ అడ్మినిస్ట్రేషన్ వెల్లడించింది.
San Diego plane crash
టేకాఫ్కు ముందు విమానంలో నలుగురే ఉన్నారని అధికారులు తెలిపారు. ఈ ఘటనలో ఎవరూ ప్రాణాలతో బయటపడలేదని చెప్పారు.
నగరంలోనే విమానం కూలడం స్థానికంగా కలకలం సృష్టించింది. ఈ ఘటనలో ఓ ఇల్లు ధ్వంసమైందని అధికారులు తెలిపారు. విద్యుత్ తీగలకు తగలడం వల్ల స్థానికంగా పవర్ సప్లై నిలిచిపోయిందని వెల్లడించారు. అయితే, కింద ఉన్న ఎవరికీ గాయాలు కాలేదని స్పష్టం చేశారు.
ఈ ప్రమాదంపై అమెరికా నేషనల్ ట్రాన్స్పోర్టేషన్ సేఫ్టీ బోర్డ్.. దర్యాప్తు ముమ్మరం చేసింది. ప్రమాదానికి గల కారణాలను విశ్లేషిస్తోంది.
ఇదీ చదవండి: కార్లలో కరోనా పరీక్షలకు.. ఆస్పత్రుల వద్ద భారీ క్యూ
