భారతీయ-అమెరికన్ వైద్యుడు జరిపిన కాల్పుల్లో ఓ వైద్యురాలు ప్రాణాలు కోల్పోయింది. ఆ తర్వాత అతను కూడా కాల్చుకుని ఆత్మహత్య చేసుకున్నాడు. టెక్సాస్ ఆస్టిన్లో జరిగిన ఈ ఘటనలో నిందితుడు పిల్లల వైద్యుడు డాక్టర్ భరత్ నారుమంచిగా గుర్తించారు పోలీసులు. గత కొన్నాళ్లుగా అతను క్యాన్సర్తో బాధపడుతున్నట్టు తెలిపారు.
క్యాన్సర్ చికిత్స..
క్యాన్సర్కు చికిత్స తీసుకుంటున్న భరత్ నారుమంచి ఆరోగ్య స్థితి సరిగా లేదని టెక్సాస్ పోలీసులు తెలిపారు. ఘటన జరిగిన ఆసుపత్రిలో వలంటీరుగా చేరేందుకు కొద్ది రోజుల క్రితం ప్రయత్నించాడని, అయితే అతని దరఖాస్తు తిరస్కరణకు గురైనట్లు చెప్పారు. ఇటీవలే ఆ ఆసుపత్రిని దుండగుడు సందర్శించినట్లు తెలిపారు.
తుపాకీతో ఆసుపత్రిలోకి ప్రవేశించిన భరత్.. పలువురిని బందీలుగా చేసుకున్నాడు. అందులో కొందరు తప్పించుకోగా.. మరికొంత మందిని వదిలిపెట్టాడు. కానీ, కేథరిన్ డాడ్సన్ను విడిచిపెట్టలేదు. ఆమెపై విచక్షణా రహితంగా కాల్పులకు పాల్పడ్డాడు. దాంతో ఆమె అక్కడికక్కడే ప్రాణాలు కోల్పోయారు. ఆ తర్వత తనను తాను కాల్పుకుని మరణించినట్లు పోలీసులు వెల్లడించారు.
ఇదీ చదవండి: 'అమెరికాలో 'క్యాపిటల్' తరహా ఘటనలకు ఛాన్స్
'
