Dominican republic plane crash: డొమినికన్ రిపబ్లిక్ రాజధాని శాంటో డొమింగోలో ఓ చిన్న విమానం కూలిపోయింది. ఈ ఘటనలో ప్యూర్టో రికన్ సంగీత దర్శకుడు జోస్ ఏంజెల్ హెర్నాండెజ్‌తో సహా మొత్తం తొమ్మిది మంది ప్రాణాలు కోల్పోయారు. ఈ విషయాన్ని విమానయాన సంస్థ హెలిడోసా ట్విట్టర్ వేదిక తెలిపింది.
శాంటో డొమింగోలోని లాస్ అమెరికాస్ అంతర్జాతీయ విమానాశ్రయంలో దిగాల్సి ఉండగా.. కొద్ది క్షణాల ముందే విమానం కూలిపోయినట్లు పేర్కొంది. ఆ ప్రమాద సమయంలో ఇద్దరు సిబ్బంది సహా తొమ్మిది మంది ప్రయాణికులు ఉన్నట్లు వెల్లడించింది. అయితే ప్రమాదానికి కారణాలు ఏంటన్నది చెప్పలేదు. ఈ ఘటన జరిగిన నేపథ్యంలో ఆ విమానాశ్రయాన్ని మూసివేశారు. దీంతో పలు విమానాలను రద్దు చేస్తున్నట్లు అధికారులు ప్రకటించారు.
ఇదీ చదవండి: 'డెల్టా కంటే ఒమిక్రాన్ డేంజర్.. డబ్లింగ్ రేటు రెండు రోజులే'
