Sharwanand Accident : హీరో శర్వానంద్ కారు రోడ్డు ప్రమాదానికి గురైంది. హైదరాబాద్ ఫిలింనగర్‌ వద్ద ఆయన ప్రయాణిస్తున్న కారు డివైడర్‌ను ఢీకొట్టింది. తొలుత శర్వానంద్కు గాయాలైనట్లు ప్రచారం జరిగింది. దీంతో ఆయన క్లారిటీ ఇచ్చారు. అయితే ఈ ప్రమాదంలో ఎవరికీ గాయాలు కాలేదని.. ఆందోళన చెందాల్సిన అవసరం లేదని శర్వానంద్ మేనేజ్మెంట్ టీమ్ తెలిపింది. కారుకు చిన్నపాటి గీతలు పడ్డాయని అంతకు మించి కారులో ఉన్న ఎవరికి గాయం కాలేదని టీమ్ పేర్కొంది. ఇది చాలా స్వల్ప ఘటన అని.. కారులోని అందరూ క్షేమంగానే ఉన్నారని స్పష్టం చేసింది.
Sharwanand Marriage : మరోవైపు జనవరిలో నిరాడంబంగా ఎంగేజ్మెంట్ చేసుకున్న శర్వానంద్, రక్షితల జంట ఈ ఏడాది జూన్ 3న రాత్రి జైపుర్లో వివాహ బంధంతో ఒక్కటవ్వనున్నారు. జైపుర్లోని లీలా ప్యాలెస్లో ఈ వేడుక అట్టహాసంగా జరగనుంది. జూన్ 2న మెహందీతో పాటు ఇంకొనన్ని ఫంక్షన్లను ఘనంగా నిర్వహించనున్నారు. కాగా ఈ వివాహానికి పలువురు సినీ, రాజకీయ ప్రముఖులు హాజరు కానున్నట్టు సమాచారం. ఈ ప్యాలెస్లో పెళ్లి చాలా ఖర్చుతో కూడుకున్న విషయం. అయితే సోషల్‌ మీడియా సహా పలు వెబ్సైట్ల కథనం ప్రకారం.. సదరు ప్యాలెస్లో ఒక్క రోజుకు రూ.4 కోట్లు ఖర్చు అవుతుందట. అంటే మొత్తంగా ఈ రెండు రోజల పెళ్లికి అన్ని ఖర్చులతో కలిపి రూ.10కోట్లు మేర ఖర్చు కానుందని సమాచారం.
Sharwanand Movies list : ఇక శర్వానంద్ సినిమాల విషయానికి వస్తే.. ఇటీవలే 'ఒకే ఒక జీవితం' అనే పీరియాడికల్ డ్రామాలో నటించారు. అమల, వెన్నెల కిశోర్ లాంటి స్టార్స్ కీలక పాత్రల్లో నటించిన ఈ సినిమా బాక్సాఫీస్ వద్ద మంచి టాక్ అందుకోవడమే కాకుండా విశ్లేషకుల దగ్గర నుంచి ప్రశంసలు అందుకుంది. ఈ సినిమా తర్వాత ప్రస్తుతం ఆయన మరి కొన్ని ప్రాజెక్టులకు సైన్ చేసినట్లు సమాచారం. ప్రస్తుతం ఆయన దర్శకుడు శ్రీరామ్‌ ఆదిత్య డైరెక్షన్లో తెరకెక్కుతున్న ఓ సినిమాలో కనిపించనున్నారు. ప్రముఖ నిర్మాణ సంస్థ పీపుల్‌ మీడియా ఫ్యాక్టరీ బ్యానర్పై టీజీ విశ్వప్రసాద్‌ నిర్మిస్తున్న ఈ సినిమాకు మలయాళ మూవీ 'హృదయం' ఫేమ్ హేషమ్‌ అబ్దుల్‌ వహాబ్‌ సంగీతాన్ని అందిస్తున్నారు. మరోవైపు మాస్ మహారాజా రవితేజతో కలిసి ఓ మల్టీస్టారర్ సినిమా కూడూ సైన్ చేశారని టాక్. ఇందులో లెక్చరర్గా రవితేజ, ఆయన స్టూడెంట్గా శర్వానంద్ కనిపిస్తారట. 'కలర్ ఫోటో' ఫేమ్ దర్శకుడు సందీప్ రాజ్ ఈ చిత్రాన్ని తెరకెక్కించనున్నారట.
