టాలీవుడ్లో చాక్లెట్బాయ్గా పేరొందిన స్టార్ హీరో సుధీర్ బాబు.. 'మామా మశ్చీంద్ర' అనే ఎక్స్పెరిమెంటల్ సినిమాతో ప్రేక్షకుల ముందుకు రానున్నారు. శనివారం ఈ సినిమాకు సంబంధించిన టీజర్ విడుదల అయ్యింది. ఆ టీజర్ను సుధీర్ బావ సూపర్ స్టార్ మహేశ్ బాబు లాంఛ్ చేశారు. "దేవుడు అడిగాడట నన్ను చేరడానికి ఏడు జన్మలు భక్తుల్లా బతుకుతారా? లేక మూడు జన్మలు రాక్షసుల్లా బతుకుతారా? అని.. మీకు దూరంగా ఉండటం కన్నా మూడు జన్మలు రాక్షస జన్మే మిన్న అని దేవతలే కోరుకున్నారట" అనే డైలాగ్తో స్టార్ట్ అయిన ఈ టీజర్ ఆద్యంతం వీక్షకులను తెగ ఆకట్టుకుంటోంది. హైవోల్టేజ్ యాక్షన్ సీన్స్తో ఓ రేంజ్లో ఉన్న ఈ టీజర్లో అటు సీరియస్తో పాటు ఇటు ఫన్నీ డైలాగ్స్ కూడా ఉన్నాయి. అంతే కాకుండా టీజర్లోని పలు డైలాగ్స్కు అభిమానులు బాగా కనెక్టయ్యారు.
గత కొంత కాలంగా వైవిధ్యభరితమైన స్టోరీలపై ఫోకస్ చేస్తున్న ఈ స్టార్ హీరో.. ఇప్పుడు ఈ సినిమాతో ఆడియన్స్ ముందుకు రానున్నారు. హర్షవర్ధన్ దర్శకత్వం వహించిన ఈ సినిమాలో సుధీర్ మూడు ఢిఫరెంట్ లుక్స్లో కనిపించనున్నారు. ఇప్పటికే ఈ సినిమాకు సంబంధించిన ఫస్ట్ లుక్, గ్లింప్స్ రిలీజ్ చేశారు. ఒకదాంట్లో సుధీర్ బాబు సిక్స్ ప్యాక్ లుక్లో కనపడగా.. ఇంకోదాంట్లో ఊబకాయం ఉన్న దుర్గలా, వృద్ధుడైన పరశురామ్గా కనిపించారు. ఈ పోస్టర్లన్నింటికీ మంచి రెస్పాన్స్ వచ్చింది.
- " class="align-text-top noRightClick twitterSection" data="">
ఇక ఈ సినిమాలో సుధీర్ బాబుకు సరసన ఈషా రెబ్బా, మృణాళిని రవి నటిస్తున్నారు. శ్రీవెంకటేశ్వర సినిమాస్‌, ఎల్‌ఎల్‌పీ బ్యానర్‌పై సునీల్‌ నారంగ్‌, పుస్కుర్ రామ్‌ మోహన్‌ రావు సంయుక్తంగా ఈ సినిమాను నిర్మిస్తున్నారు. చైతన్య భరద్వాజ్‌ ఈ సినిమాకు సంగీతాన్ని అందిస్తున్నారు.
ఇటీవలే 'హంట్ 2' సినిమాతో థియేటర్లలోకి వచ్చిన చాక్లెట్ బాయ్ సుధీర్ బాబు ఈ సినిమాతో ఆశించిన స్థాయిలో హిట్ను అందుకోలేకపోయారు. 'ప్రేమ కథా చిత్రమ్' సినిమా ద్వారా తెలుగు తెరకు పరిచయమైన ఈ స్టార్ హీరో ఈ సినిమాతో మంచి హిట్ను తన ఖాతాలో వేసుకున్నారు. ఆ తర్వాత పలు చిత్రాల్లో నటించినప్పటికీ ఆ సినిమాలన్నీ బాక్సాఫీస్ వద్ద మంచి టాక్ను అందుకోలేకపోయాయి. అప్పట్లో వచ్చిన 'సమ్మోహనం' తర్వాత మళ్లీ ఆ రేంజ్ హిట్ను అయితే అందుకోలేకపోయారు. అయితే 'శ్రీదేవి సోడా సెంటర్' సినిమాతో మాత్రం కొంత మేర అభిమానులను ఆకర్షించారు. ఇప్పుడు ఈ మామ మశ్చీంద్ర సినిమాతో మళ్లీ ఫామ్లోకి రావాలని ఆశిస్తున్నారు.
