సూపర్‌ స్టార్‌ మహేశ్‌బాబు -త్రివిక్రమ్ శ్రీనివాస్‌ కాంబినేషన్లో తెరకెక్కుతున్న సినిమా SSMB28. ఈ చిత్రం అభిమానులతో పాటు పలువురు సినీ సెలబ్రిటీలు ఎంతో ఆసక్తిగా ఎదురుచూస్తున్నారు. అయితే ఈ సినిమా ఇంకా షూటింగ్ కూడా పూర్తి చేసుకోలేదు కానీ అప్పుడు ప్రీ రిలీజ్ బిజినెస్ భారీగా చేస్తేస్తోంది. ఈ చిత్ర డిజిటల్ హక్కులను ప్రముఖ ఓటీటీ సంస్థ నెట్‌ఫ్లిక్స్‌ రూ.80 కోట్లకు సొంతం చేసుకున్న సంగతి తెలిసిందే. అయితే ఇప్పుడు మరో వార్తా బయటకు వచ్చింది. అదేంటంటే.. ఈ చిత్ర డిజిటల్, శాటిలైట్ రైట్స్ మొత్తం కలిపి రూ.100కోట్లకు కొనుగోలు అయ్యాయట. ఇక థియేట్రికల్ బిజినెస్ దాదాపు రూ.200కోట్ల వరకు జరిగిందని తెలిసింది. దీంతో మొత్తంగా రూ.300కోట్లకు ఈ చిత్ర హక్కులు అమ్ముడు పోయాయని సమాచారం. ఇక ఈ చిత్రం బ్రెక్ ఈవెన్ ప్రపంచవ్యాప్తంగా రూ.200కోట్లు ఉండొచ్చని అంచనా.
కాగా, ఈ చిత్రంలో మహేశ్ సరసన పూజా హెగ్డే, శ్రీలీల హీరోయిన్స్గా నటిస్తున్నారు. మహేశ్‌తో పాటు మాటల మాంత్రికుడు త్రివిక్రమ్‌కు కూడా ఇది తొలి పాన్‌ ఇండియా సినిమా కావడం వల్ల ఈ చిత్రానికి ఇంత భారీగా ఆఫర్స్ వచ్చినట్లు తెలుస్తోంది. దీనిపై ఇంకా అధికారిక ఇన్ఫర్మేషన్ లేదు. కానీ ప్రస్తుతం ఈ వార్త మాత్రం సోషల్మీడియాలో చక్కర్లు కొడుతోంది. ఈ ఏడాదే చిత్రాన్ని విడుదల చేసేందుకు సన్నాహాలు చేస్తున్నారు మేకర్స్. ఇక ఈ చిత్రం తర్వాత మహేశ్ బాబు రాజమౌళి దర్శకత్వంలో భారీ బడ్జెట్‌తో రూపొందనున్న చిత్రంలో నటించనున్నారు. ఈ మూవీ కోసం హాలీవుడ్ సీసీఏ క్రియేటివ్‌ ఆర్టిస్ట్స్‌ ఏజెన్సీతో జక్కన్న అగ్రీమెంట్ చేసుకున్నారు.
ఇదీ చూడండి: ఇలియానాకు ఆ సమస్య క్లియర్ అయినట్టేనా?
