Samantha Tweet: హీరో నాగచైతన్యతో విడాకుల తర్వాత కెరీర్‌పై ఫోకస్ పెట్టారు స్టార్ హీరోయిన్ సమంత. వరుస సినిమాలతో బిజీగా ఉన్నారు. దక్షిణాది చిత్రాలతో పాటు బాలీవుడ్‌లోనూ పాగా వేయాలని సామ్ ప్రణాళికలు రూపొందించుకుంటున్నారు. కెరీర్‌లోనే కాదు.. ఏ మాత్రం సమయం దొరికినా సోషల్ మీడియాలోనూ ఫుల్ యాక్టివ్‌గా ఉంటున్నారు. నెటిజన్ల ట్రోల్స్‌ను ధైర్యంగా ఎదుర్కొని వారికి అందుకు తగిన కౌంటర్లు ఇస్తున్నారు. తాజాగా ఓ నెటిజన్ ట్రోల్‌కు అదిరిపోయే కౌంటర్ ఇచ్చారు.
సమంత ఇటీవలే చేసిన ఓ ట్వీట్‌పై ఓ నెటిజన్ వెటకారంగా కామెంట్ పెట్టాడు. 'ఈమె(సమంత) పిల్లులు, కుక్కలతో పాటు ఒంటరిగానే చచ్చిపోతుంది' అని సామ్ ట్వీట్ కింద రాశాడు. ఈ కామెంట్‌కు అదిరిపోయే రీతిలో రిప్లై ఇచ్చారు సమంత. 'ఆ విధంగా చనిపోవడం నా అదృష్టంగా భావిస్తా' అంటూ గట్టి రిప్లై ఇచ్చారు. దీంతో సదరు నెటిజన్ తాను చేసిన ట్వీట్‌ను డిలీట్ చేశాడు.
ఇటీవలే సమంత.. విజయ్ దేవరకొండతో కలిసి నటిస్తున్న 'ఖుషి' చిత్రానికి సంబంధించి ఓ షెడ్యూల్‌ను పూర్తి చేసుకున్నారు. ఈ సినిమా చిత్రీకరణ మొన్నటివరకు కశ్మీర్‌లో జరిగింది. త్వరలోనే రెండో షెడ్యూల్ మొదలు కానుంది. శివ నిర్వాణ ఈ సినిమాకు దర్శకత్వం వహిస్తున్నారు. ఇదే కాకుండా యశోద, శాకుంతలం చిత్రాలతో బిజీగా ఉన్నారు సామ్.
ఇవీ చదవండి: 'కేజీయఫ్ 3'లో హృతిక్ రోషన్?.. క్లారిటీ ఇచ్చిన నిర్మాత
