Nayanthara Birthday Special : సౌత్ లేడీ సూపర్స్టార్ నయనతార.. రీసెంట్గా 'జవాన్' సినిమాలో మెరిసింది. దీంతో ఆమె బాలీవుడ్లోనూ తన మార్క్ చూపించింది. అయితే ఒకప్పుడు మలయాళ ఛానెల్లో ఒక యాంకర్గా పనిచేసిన నయన్.. ప్రస్తుత టాప్ హీరోయిన్లలో ఒకరిగా గుర్తింపు తెచ్చుకుంది.
నయనతార అసలు పేరు డయానా మరియన్ కురియమ్. కెరీర్ ప్రారంభంలో ఎన్నో ఒడుదొడుకులు ఎదుర్కొన్న ఆమె.. ఇండస్ట్రీలో నిలదొక్కుకోడానికి చాలా కష్టపడింది. 'మనసినక్కరే' సినిమాతో 2003లో అరంగేట్రం చేసిందీ ఈ ముద్దుగుమ్మ. అయితే ఈ సినిమా డైరెక్టర్ సత్యన్.. ఆమెకు నయనతార అని స్ట్రీన్నేమ్ ఇచ్చారు. తర్వాత ఇదే పేరును ఆమె కంటిన్యూ చేసింది. కానీ, ఈ సినిమా పెద్దగా విజయం సాధించకపోవడం వల్ల.. ఆమెకు పెద్దగా గుర్తింపు రాలేదు.
కెరీర్లో ఎత్తుపల్లాలు ఉన్న సమయంలో నయనతారకు డైరెక్టర్ మురుగదాస్.. 'గజిని' సినిమా ఛాన్స్ ఇచ్చారు. ఈ సినిమాలో నయన్ సెకండ్ హీరోయిన్గా కనిపించింది. అంతే ఆమె లైఫ్ అక్కడి నుంచి మంచి టర్న్ తీసుకుంది. ఈ తర్వాత సూపర్ స్టార్ రజనీకాంత్ 'చంద్రముఖి' తోపాటు.. తెలుగులో 'బాస్', 'యోగి', 'లక్ష్మి', 'తులసి', 'దుబాయ్ శీను', 'సింహ', 'గ్రీకువీరుడు', 'అదుర్స్' ఇలా సూపర్ హిట్ సినిమాల్లో నటించింది. అంతేకాకుండా 'డోరా', 'కర్తవ్యం', 'ఐరా' ఇలా లేడి ఓరియెంటేటెడ్ సినిమాల్లోనూ రాణించి నటిగా సక్సెస్ అయ్యింది. తెలుగులో రీసెంట్గా మెగాస్టార్ చిరంజీవి గాడ్ ఫాదర్ సినిమాలో నటించింది.
వివాహం.. తమిళ స్టార్ డైరెక్టర్ విఘ్నేశ్ శివన్ను గతేడాది ప్రేమవివాహం చేసుకుందీ అమ్మడు. ఈ దంపతులకు ఉయిర్, ఉలగ్ అనే ఇద్దరు కవలపిల్లలున్నారు. వీరి ఫొటోలను అప్పుడప్పుడు నయన్ భర్త విఘ్నెశ్ సోషల్ మీడియాలో పోస్ట్ చేస్తుంటారు.
Iravan Movie : రీసెంట్గా నయనతార 'ఇరైవన్' సినిమాతో ప్రేక్షకుల ముందుకు వచ్చింది. ఈ సినమాలో జయం రవితో జతకట్టింది. దర్శకుడు అహ్మద్ తెరకెక్కించారు. ఈ సినిమాలో నటులు చార్లి, రాహుల్ బోస్, ఆశిష్ విద్యార్థి తదితరులు నటించారు. తమిళంతో పాటు తెలుగులోనూ రిలీజైన ఈ సినిమా మిక్స్డ్ టాక్ సొంతం చేసుకుంది.
Jawan Shahrukh : 'జవాన్' విషయంలో నయన్ అప్సెట్.. ఇక హిందీ చిత్రాలు బంద్!.. అసలేం జరిగిందంటే?
'నయన్తో ప్రేమ అలా మొదలైంది.. 'మేడమ్'తో అప్పుడే లవ్లో పడిపోయా'
