Nani Rajinikanth : సూపర్ స్టార్ రజనీకాంత్‌-బాలీవుడ్ బిగ్ బీ అమితాబ్ బచ్చన్‌ కాంబోలో దాదాపు 32 ఏళ్ల తర్వాత ఓ సినిమా రాబోతున్న సంగతి తెలిసిందే. 'జై భీమ్‌' ఫేమ్‌ టి.జె.జ్ఞానవేల్‌ దర్శకత్వంలో ఇది రూపొందనుంది(Rajinikanth Gnanavel). అయితే ఈ చిత్రంలో యంగ్ హీరో పోషించాల్సిన ఓ కీలక పాత్ర కోసం నేచురల్ స్టార్ నానిని సంప్రదించగా.. ఆయన తిరస్కరించారని వార్తలు వచ్చాయి. దీంతో శర్వానంద్ ఆ అవకాశాన్ని అందుకున్నట్లు తెలిసింది.
Nani Rejected Rajinikanth Movie : అయితే తాజాగా అందిన సమాచారం ప్రకారం.. నాని ఎందుకు నో చెప్పారో తెలిసింది. సినిమాలో పాత్ర నెగటివ్ షేడ్స్తో ఉంటుందట. విలన్ పాత్ర అని అంటున్నారు. అందుకే నాని సున్నితంగా నో చెప్పి రిజెక్ట్ చేశారట. దీంతో ఆ ఛాన్స్ శర్వానంద్ దగ్గరికి వెళ్లగా.. ఆయన ఓకే చేశారని తెలిసింది. ప్రస్తుతం ఈ విషయమే సోషల్మీడియాలో తిరుగుతోంది.
Rajinikanth Amitabh Bachan Movies : ఇకపోతే రజనీకాంత్‌కి ఇది 170వ చిత్రం. ఈ చిత్రంలోని ఇతర నటీనటులు వివరాలను.. సినిమాను అధికారికంగా ప్రకటించి త్వరలోనే తెలియజేయనున్నారు. కాగా, గతంలో అమితాబ్-రజనీ కలిసి 'హమ్', 'గిరఫ్ తార్' సహా మరో చిత్రంలో నటించారు. ఈ చిత్రాలు అప్పట్లో బాక్సాఫీస్ వద్ద మంచి హిట్ టాక్ను సొంతం చేసుకున్నాయి.
ఇకపోతే రజనీ నటించిన జైలర్ చిత్రం ప్రస్తుతం బాక్సాఫీస్ ముందు సక్సెస్ఫుల్గా రన్ అవుతూ.. కలెక్షన్ల వర్షాన్ని కురిపిస్తోంది. తెలుగులోనూ మంచి వసూళ్లను అందుకుంటూ అభిమానుల ప్రశంసలను అందుకుంటోది. వరల్డ్ వైడ్గా ఇప్పటివరకు రూ.425కోట్ల వరకు వసూళ్లను అందుకున్నట్లు ట్రేడ్ వర్గాలు తెలిపాయి. అలాగే రజనీ తన కూతురు దర్శకత్వంలో తెరకెక్కుతున్న 'లాల్ సలామ్' చిత్రంలోనూ ఓ కీలక పాత్ర పోషించారు. మొయిద్దీన్ అనే భాయ్‍ పాత్రలో కనిపించనున్నారు. ఈ చిత్రంలో విష్ణు విశాల్ హీరోగా నటిస్తున్నారు. త్వరలోనే ఈ సినిమా గ్రాండ్గా థియేటర్లలో విడుదల కానుంది.
