Nagashourya Krishna Vrinda Vihari Release Date: యంగ్ హీరో నాగశౌర్య నటించిన 'కృష్ణ వ్రింద విహారి' రిలీజ్ డేట్ను ఖరారు చేసుకుంది. ఈ ఏడాది మే 20న థియేటర్లలో విడుదల కానుంది. ఐరా క్రియేషన్స్ సంస్థ రూపొందించిన ఈ సినిమాకు అనీష్ ఆర్.కృష్ణ దర్శకత్వం వహించారు. షెర్లీ సేతియా హీరోయిన్గా నటించింది. ఉషా మూల్పూరి నిర్మిస్తున్నారు. శంకర్‌ ప్రసాద్ మూల్పూరి సమర్పకులు. సీనియర్‌ నటి రాధిక ముఖ్యభూమిక పోషిస్తుండగా, వెన్నెల కిషోర్‌, రాహుల్‌ రామకృష్ణ, సత్య, బ్రహ్మాజీ తదితరులు కీలక పాత్రలు పోషస్తున్నారు. ఇప్పటికే విడుదల అయిన టీజర్ ఫ్యామిలీ ఆడియన్స్ను విశేషంగా ఆకట్టుకుంది.
Nani Antey Sundaraniki Trailer Release Date: నేచురల్ స్టార్ హీరో నాని, నజ్రియా జంటగా నటిస్తున్న కొత్త చిత్రం 'అంటే సుందరానికి!'. ఇందులో సుందర్ ప్రసాద్ అనే పాత్రలో నటిస్తున్నారు నాని. బ్రాహ్మణ యువకుడిగా కనిపించనున్నారు. తాజాగా ఈ సినిమాకు సంబంధించి కొత్త అప్డేట్ వచ్చింది. హీరోహీరోయిన్ల ఫస్ట్లుక్ పోస్టర్ను మేకర్స్ విడుదల చేశారు. అందులో నాని, నజ్రియాలు సంప్రదాయ దుస్తుల్లో కనిపిస్తున్నారు. ఇక, ఈ సినిమా టీజర్‌ను ఏప్రిల్ 20న విడుదల చేయనున్నట్టు పోస్టర్‌లో వెల్లడించారు. కామెడీ ఎంటర్టైనర్గా తెరకెక్కుతున్న ఈ సినిమాకు వివేక్ ఆత్రేయ దర్శకుడు. మైత్రీ మూవీ మేకర్స్ నిర్మిస్తోంది. 2022 జూన్ 10న ఈ సినిమా విడుదల కానుంది. వివేక్ సాగర్ సంగీతం అందిస్తున్నారు.
F3 Movie Song Update: విక్టరీ వెంకటేష్, మెగా ప్రిన్స్ వరుణ్ తేజ్ హీరోలుగా టాలెంటెడ్ డైరెక్టర్ అనిల్ రావిపూడి దర్శకత్వంలో 'ఎఫ్ 3' సినిమా రాబోతున్న సంగతి తెలిసిందే. దేవి శ్రీ ప్రసాద్ ఈ సినిమాకి సంగీతం అందిస్తున్నారు. తన ఎనర్జిటిక్ సాంగ్స్తో సినిమా స్థాయిని పెంచుతున్నారు దేవి. కాగా ఈ సినిమా మ్యూజికల్ ప్రమోషన్‌లలో భాగంగా, ఏప్రిల్ 22న రెండో సాంగ్ను 'ఓ.. ఆ.. ఆహా ఆహా'ను విడుదల చేయనున్నారు. ఈ సందర్భంగా మేకర్స్ పోస్టర్ను కూడా విడుదల చేశారు. దిల్ రాజు సమర్పకుడిగా వ్యవహరిస్తున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై శిరీష్ నిర్మిస్తున్నారు.
ఇవీ చదవండి: 'కేజీఎఫ్ 2': రాఖీభాయ్దే హవా.. వరల్డ్లోనే రెండో చిత్రంగా!
