అటు మాటలతో, ఇటు హావభావాలతో నవ్వించే బుల్లితెర లేడీ కమెడియన్​ రోహిణి. వినోదాన్ని పంచుతూ, కడుపుబ్బా నవ్విస్తున్న ఈ జబర్దస్త్ అమ్మడును రౌడీ రోహిణి అని కూడా అంటారు. బుల్లితెరపై నటిగా కెరీర్ స్టార్ట్ చేసిన ఈమె.. కామెడీ పంచులతో ప్రత్యేక గుర్తింపు సంపాదించుకుంది. ఓవైపు కామెడీ షోస్ చేస్తూనే మరోవైపు టీవీ ప్రోగ్రామ్స్​తో ఆకట్టుకుంటున్న రోహిణి.. ఎక్కడుంటే అక్కడ ఫన్ క్రియేట్ చేస్తుంటుంది. అలా మంచి ఫాలోయింగ్​ను సంపాదించుకుంది. అయితే.. తాజాగా ఆమె.. చాలామంది లైఫ్​లో లవ్ స్టోరీస్ ఉన్నట్లే తన జీవితంలో కూడా ఉందని చెప్పుకొచ్చింది. అయితే ఆ ప్రేమ తనకు విషాదాన్ని మిగిల్చిందని ఎమోషనల్​ అయింది.

తెలుగు బుల్లితెరపై ఓ ప్రముఖ ఛానల్​ ఓ సరికొత్త ప్రోగ్రామ్​ను ప్రారంభించబోతుంది. తాజాగా దానికి సంబంధించిన ప్రోమో విడుదలైంది. ఈ ప్రోమోలో సింగర్స్, యాక్టర్స్, స్పెషల్ పెర్ఫార్మన్స్​లతో అదరగొట్టారు. ఈ కార్యక్రమానికి శ్రీముఖి హోస్ట్​గా వ్యవహరించింది.

ఈ ప్రోమోలో భాగంగానే సింగర్స్ ఓ బ్రేకప్ సాంగ్ పాడటంతో.. శ్రీముఖి ఒక్కొక్కరిని వాళ్ళ లైఫ్​లో ప్రేమకథలు ఏమైనా ఉన్నాయా అని అడిగింది. అప్పుడు రోహిణి మొదటిసారి తన లవ్ స్టోరీ గురించి ఓపెన్ అయింది. "తాను సిన్సియర్ గా ఓ వ్యక్తిని లవ్ చేశానని, ఎనిమిది నెలలు ట్రావెల్ అయ్యాక అతనికి ఆల్రెడి ఒక లవర్ ఉందని తెలిసింది" అని చెబుతూ ఎమోషనల్ అయ్యింది. ప్రస్తుతం రోహిణి మాటలు నెట్టింట వైరల్ అవుతున్నాయి. ఇక ఆమె లవ్ స్టోరీ ఏంటనేది తెలియాలంటే ఆ కార్యక్రమానికి సంబంధించిన పూర్తి ఎపిసోడ్ వచ్చాకే​ రావాల్సిందే.

ఇదీ చూడండి: సామ్‌తో నా జర్నీ ముగిసిందనుకుంటున్నా: చిన్మయి