Karthi new movie release dates: తమిళ స్టార్ హీరో కార్తి.. విభిన్నమైన సినిమాలు, పాత్రలు పోషిస్తూ కెరీర్లో జోరు ప్రదర్శిస్తున్నారు. అయితే ఈ సారి ఆయన.. అభిమానుల్లో మరింత జోష్ పెంచేందుకు సిద్ధమైపోయారు. వరుసగా మూడు నెలల్లో మూడు చిత్రాలను విడుదల చేయనున్నారు. ఆయన పోలీసు అధికారిగా నటిస్తున్న చిత్రం 'సర్దార్‌'. రాశిఖన్నా, రజిషా విజయన్‌ కథానాయికలు. పి.ఎస్‌. మిత్రన్‌ దర్శకుడు. దీపావళి సందర్భంగా ఈ ఏడాది అక్టోబరులో ఈ సినిమాను విడుదల చేస్తున్నట్టు చిత్ర బృందం తాజాగా ప్రకటించింది. ఈ మేరకు కార్తి లుక్‌ను పంచుకుంది. ఇందులో ఆయన కళ్లద్దాలు పెట్టుకుని, మైక్‌ పట్టుకుని చాలా స్టైలిష్‌గా కనిపించారు. దర్శకుడు పీఎస్‌ మిత్రన్‌ గతంలో తెరకెక్కించిన 'అభిమన్యుడు' చిత్రం విశేష క్రేజ్‌ సంపాదించుకోవడంతో 'సర్దార్‌'పై అంచనాలు పెరుగుతున్నాయి. మరోవైపు, కార్తి నటించిన 'విరుమన్‌' ఆగస్టు 31, 'పొన్నియిన్‌ సెల్వన్‌' సెప్టెంబరు 30న విడుదలకానుండటం వల్ల ఆయన అభిమానుల్లో జోష్ కనిపిస్తోంది. ఆ అప్‌డేట్లను సోషల్‌ మీడియాలో షేర్‌ చేస్తూ సందడి చేస్తున్నారు.
Thor Love and Thunder trailer: చిన్నారుల నుంచి పెద్దల వరకూ అన్ని వర్గాలను అలరించే చిత్రాలను అందించే హాలీవుడ్‌ నిర్మాణ సంస్థ మార్వెల్‌ స్టూడియోస్‌. ఇటీవల ఆ సంస్థ నుంచి వచ్చిన 'డాక్టర్‌ స్ట్రేంజ్‌: మల్టీవర్స్‌ ఆఫ్ మ్యాడ్‌నెస్‌' బాక్సాఫీస్‌ వద్ద ఆశించిన విజయాన్ని అందుకోలేకపోయింది. ఇప్పుడు మరో చిత్రం ప్రేక్షకుల ముందుకు రానుంది. 'థోర్‌: లవ్‌ అండ్ థండర్‌' పేరుతో సరికొత్త చిత్రం విడుదల కానుంది. దేవుళ్లను అంతం చేయడానికి వచ్చిన భయంకర శక్తిని అంతరిక్ష యోధుడైన థోర్‌ ఓడిన్సన్‌ ఎలా ఎదుర్కొన్నాడు? దాన్ని ఎలా అంతం చేశాడన్నది ఈ కథ. యాక్షన్‌తో పాటు అలరించే ప్రేమను కూడా కలగలిపి ఈ సినిమాను తీర్చిదిద్దినట్లు ట్రైలర్ చూస్తే అర్థమవుతోంది. జులై 8న ప్రపంచవ్యాప్తంగా ఈ సినిమా విడుదల కానుంది. తెలుగులోనూ ఈసినిమా ప్రేక్షకుల ముందుకు తీసుకొస్తున్నారు. టైకా వెట్టీ దర్శకత్వం వహిస్తున్న ఈ చిత్రంలో క్రిస్‌ హ్యామ్స్‌ వర్త్‌, క్రిస్టియాన్‌ బాలే, టీసా థాంప్సన్‌, జైమీ అలెగ్జాండర్‌ తదితరులు నటిస్తున్నారు.
- " class="align-text-top noRightClick twitterSection" data="">
ఇదీ చూడండి: మతిపోయేలా జాన్వీ యోగా పోజులు.. షర్ట్ బటన్స్ తీసేసి శాలినీ బోల్డ్ షో!
