బాలీవుడ్ మోస్ట్ బ్యూటిఫుల్ స్టార్స్ కపుల్స్లో రణ్వీర్ సింగ్-దీపికా పదుకొణె ఒకరు. ఆన్స్క్రీన్తో పాటు ఆఫ్స్క్రీన్లోనూ ఈ జంట ఎప్పుడూ అన్యోన్యంగా కలిసి ఉంటారు. ఇంకా చెప్పాలంటే బీటౌన్ జంటలలో చాలా డిఫరెంట్గా కూడా కనిపిస్తుంటారు. పర్సనల్ లేదా ప్రొఫెషనల్ లైఫ్లో ఒకరి పట్ల మరొకరు ఎంతో గౌరవంగా ఉంటూ ఎంతో మందికి ఆదర్శంగా ఉంటారు. భార్య భర్తలు అయినప్పటికీ పలు ఈవెంట్లలో కూడా క్లోజ్ ఫ్రెండ్స్లా కలిసి ఉంటూ సందడి చేస్తూ ఉంటారు.
అయితే తాజాగా వీరిద్దరి మధ్య జరిగిన ఓ సంఘటన ప్రస్తుతం సోషల్మీడియాలో వైరల్ అవుతోంది. అదేంటంటే.. ఈ గ్రాండ్ ఈవెంట్లో హీరోయిన్ దీపికా పదుకొణె చేయి పట్టుకుని నడిచేందుకు రణవీర్ సింగ్ ఆసక్తి చూపించారు. ముందుగా కారు దిగిన ఆయన.. రెడ్ కార్పెట్పై నడిచేందుకు దీపిక కోసం ఎదురు చూశారు. దీపిక కారు దిగగానే.. తన చేయి చాచారు. కానీ దాన్ని చూడనట్టుగానే దీపిక పదుకొణె ముందుకు అడుగులు వేస్తూ నడిచింది. దీంతో రణ్వీర్ సింగ్.. తన చేయిని కిందకు దించేసి ముందుకు సాగిపోయారు. ముంబయి వేదికగా జరిగిన ఇండియన్ హానర్ స్పోర్ట్స్ ఈవెంట్లో పాల్గొనడానికి హాజరైంది ఈ జంట. అక్కడే ఈ సంఘటన జరిగింది. ప్రస్తుతం దీనికి సంబంధించిన వీడియో సోషల్మీడియాలో ఫుల్ వైరల్ అవుతోంది.
ఈ జంట బాడీ లాంగ్వేజ్ చూస్తుంటే ఈ కార్యక్రమంలో పాల్గొనే ముందు ఇద్దరి మధ్య ఏదో చిన్న వాగ్వాదం జరిగిందేమో అన్నట్టుగా ఉందని ఓ యూజర్ కామెంట్ చేశాడు. మరొక యూజర్.. దీపిక తన చర్యతో రణవీర్ను అగౌరవపరిచిందని అన్నాడు. రణవీర్ కన్నా తానే పెద్ద స్టార్ అనే భావన దీపికలో ఉందని ఇంకొక నెటిజన్ కామెంట్ పెట్టాడు. ఇంకొంతమంది దీపికకు మద్దతు పలుకుతూ.. ఆమె రణ్వీర్ చేయి చూడలేదని అంటున్నారు. ఇలా పలువురు నెటిజ‌న్స్ ఈ వీడియోపై భిన్నాభిప్రాయాలు వ్యక్తం చేస్తున్నారు.
కాగా, ఎంతో అన్యోన్యంగా కలిసి ఉంటే ఈ జంట గతంలో విడాకులు తీసుకోబోతున్నారంటూ పలు సార్లు జోరుగా ప్రచారం సాగింది. దీనిపై వీరిద్దరూ కూడా స్పందించారు. తమకు ఆ ఆలోచన లేదని ఒకరంటే మరొకరికి ప్రేమ ఉందని తెలిపారు. తామిద్దరూ ఎంతో సంతోషంగా కలిసి ఉన్న ఫొటోలను సోషల్మీడియాలో షేర్ చేస్తూ రూమర్స్కు చెక్ పెట్టారు. ఇకపోతే వీరిద్దరు ప్రస్తుతం తన ప్రొఫెషనల్ లైఫ్లో ఫుల్ బిజీగా గడుపుతున్నారు. రీసెంట్గా 'సర్కస్' చిత్రంతో ప్రేక్షకుల ముందుకు వచ్చిన రణ్వీర్.. ప్రస్తుతం రాకీ ఔర్ రాణి కే ప్రేమ్ కహాని చిత్రంలో ఆలియాభట్తో కలిసి నటిస్తున్నారు. దీనికి ప్రముఖ నిర్మాత కరణ్ జోహార్ డైరెక్ట్ చేస్తున్నారు. అలానే దీపికా పదుకొణె కూడా.. ప్రస్తుతం భారీ ప్రాజెక్టులైన.. షారుక్ ఖాన్తో 'జవాన్'(గెస్ట్ రోల్లో మెరవనుంది), ప్రభాస్తో 'ప్రాజెక్ట్ కె', హృతిక్ రోషన్తో 'ఫైటర్' చిత్రాల్లో నటిస్తోంది.
- " class="align-text-top noRightClick twitterSection" data="
">
ఇదీ చూడండి: కొత్త ట్విస్ట్ ఇచ్చిన నరేశ్- పవిత్ర.. ఏంటి ఇదంతా 'మళ్లీ పెళ్లి' కోసమా?
