'బ్రహ్మాస్త్ర' పాన్ ఇండియా సినిమాగా తెలుగు, హిందీలో విడుదలై మంచి విజయాన్ని సాధించిన సంగతి తెలిసిందే. దీంతో దీనికి సీక్వెల్స్గా మరో రెండు పార్ట్లను కూడా తెరకెక్కిస్తామంటూ మూవీ మేకర్స్ అధికారికంగా ప్రకటించారు. 2022 సెప్టెంబర్ 30న విడుదలైన ఈ సినిమా బాలీవుడ్లో ఫస్ట్ వీకెండ్లోనే రూ.100 కోట్లకు పైగా వసూళ్లను సాధించి రికార్డు సృష్టించింది. అలాగే తెలుగులోనూ 'బ్రహ్మాస్త్ర పార్ట్ 1 శివ' పేరుతో రిలీజై మంచి పేరును తెచ్చుకుంది.
ఈ నేపథ్యంలో 'బ్రహ్మాస్త్ర పార్ట్ 2', 'బ్రహ్మాస్త్ర పార్ట్ 3'లు వెండితెరపై అలరించేందుకు సిద్ధమవుతున్నాయి. వీటికి సంబంధించిన విడుదల తేదీలను ప్రకటించింది మూవీ టీమ్. పార్ట్-2ను 2026 డిసెంబరులో, పార్ట్-3ను 2027 డిసెంబరులో విడుదల చేయనున్నట్లు వెల్లడించింది. ఈ వివరాలతో పాటు ఓ పోస్టర్ కూడా విడుదల చేసింది.
అందుకే 5 ఏళ్లు కష్టపడ్డా..
ఒకేసారి బ్రహ్మాస్త్ర పార్ట్-2, 3ల షూటింగ్ను పూర్తి చేసి ఇక వెనువెంటనే ఈ సినిమాలను రిలీజ్ చేసేందుకు సన్నాహాలు చేయనున్నామని డైరెక్టర్ అయన్ ముఖర్జీ తెలిపారు. రాబోయే సీక్వెల్స్ మొదటి భాగం కంటే అద్భుతుంగా ఉండనున్నాయని ఆయన స్పష్టం చేశారు. అయితే ఈ సినిమా మొదటి పార్ట్ కోసం అయాన్ దాదాపు 5 ఏళ్లు కష్టపడ్డారట. పార్ట్-1 కోసమే ఇంత కాలం కృషి చేసిన ఆయన.. మరింత గొప్ప చిత్రం రావాలని మిగతా భాగాల కోసం ఇంత సమయం తీసుకుంటున్నారని సినీ విశ్లేషకుల అభిప్రాయం.
'ఈ సినిమా సీక్వెల్స్ కోసం మరో మూడేళ్లు వేచి ఉండాలా' అంటూ సామాజిక మాధ్యమాల్లో అభిమానులు నిరాశ వ్యక్తం చేస్తున్నారు. 'ఓ గొప్ప చిత్రం బయటకు రావాలంటే కనీసం కొంత సమయమైనా కావాలంటూ' మరికొందరు అభిప్రాయపడుతున్నారు. ఇప్పటికే బ్రహ్మాస్త్ర పార్ట్-1 అద్భుతమైన విజువల్ ఎఫెక్ట్స్తో ప్రేక్షకులని ఆకట్టుకుంది. దీంతో మిగతా పార్ట్లలో మరిన్ని హంగులు జోడించి తెస్తారనే ఆశాభావంతో ఆత్రుతగా ఎదురు చూస్తున్నారు సినీ ప్రియులు. ఇక అటు థియేటర్లతో పాటు ఓటీటీ ప్లాట్ఫామ్లోనూ వ్యూస్ పరంగా ఈ సినిమా పలు రికార్డులను సృష్టించింది.
దర్శకుడు అయాన్ ముఖర్జీ తెరకెక్కించిన 'బ్రహ్మాస్త్ర' సినిమాలో రణ్బీర్ కపూర్ సరసన ఆలియా భట్ నటించారు. స్టార్ స్టూడియోస్, ధర్మ ప్రొడక్షన్స్ సంయుక్తంగా నిర్మించిన ఈ చిత్రంలో బాలీవుడ్కు చెందిన అగ్ర హీరోలు బిగ్ బీ అమితాబ్ బచ్చన్, షారుఖ్ ఖాన్తో పాటు టాలీవుడ్ కింగ్ అక్కినేని నాగార్జున కూడా ఈ సినిమాలో మెరిశారు.
