Boyapati Srinu Upcoming Movies : టాలీవుడ్లో ఊర మాస్ యాక్షన్‌ సినిమాలకు కేరాఫ్ అడ్రెస్ బోయపాటి శ్రీను. ఆయన మేకింగ్ విధానం కూడా ఎంతో పవర్ ఫుల్గా ఉంటుంది. ఇప్పటికే ఆయన నందమూరి నటసింహం బాలకృష్ణ, ఐకాన్ స్టార్ అల్లు అర్జున్‌, మెగా పవర్ స్టార్ రామ్ చరణ్‌, యంగ్ టైగర్ ఎన్టీఆర్‌ వంటి స్టార్ హీరోస్తో సినిమాలను తెరకెక్కించారు. రీసెంట్గా ఉస్తాద్ రామ్ పోతినేని హీరోగా 'స్కంద'తో ప్రేక్షకులను అలరించిన ఆయన.. తాజాగా ఓ ఇంటర్వ్యూలో పాల్గొని.. తన తదుపరి ప్రాజెక్టుల గురించి చెప్పుకొచ్చారు. 'అఖండ 2' గురించి కూడా మాట్లాడారు. కోలీవుడ్ స్టార్ హీరో సూర్యతో కూడా ఓ సినిమా చేయనున్నట్లు క్లారిటీ ఇచ్చారు.
Boyapati Mahesh Babu Movie : "సూర్య, అల్లు అర్జున్‌తో త్వరలోనే సినిమాలు చేయబోతున్నాను. ఎవరి డేట్స్ ముందు దొరికితే వాళ్లతో నా సినిమా చేసేస్తాను. ఈ రెండూ కంప్లీట్ అయ్యాక 'అఖండ 2' పట్టాలెక్కిస్తాను. మహేశ్ బాబుతో ఇప్పటికే పలు కథల గురించి చర్చించాను. డేట్స్ సర్దుబాటు కాకపోవడం వల్ల ఇంకా సినిమా సెట్ కాలేదు. మహేశ్.. అన్నిరకాలు పాత్రలు పోషించగల ఆల్‌ రౌండర్‌ యాక్టర్. ఆయనతో తప్పకుండా ఒక కమర్షియల్‌ చిత్రాన్ని చేస్తాను" అని ఆయన పేర్కొన్నారు. ప్రస్తుతం బోయపాటి చేసిన వ్యాఖ్యలు సోషల్ మీడియాలో చక్కర్లు కొడుతున్నాయి.
Boyapati Mahesh Babu Movie : కాగా, ఇప్పటికే అల్లు అర్జున్‌ - బోయపాటి కాంబోలో వచ్చిన 'సరైనోడు' బ్లాక్ బస్టర్ హిట్ అయింది. 'అఖండ' విషయానికి వస్తే.. బాలకృష్ణ డబుల్ రోల్లో నటించిన ఈ సినిమా 2021లో విడుదలై ఘన విజయాన్ని అందుకుంది. ఇక, బోయపాటి శ్రీను తెరకెక్కించిన రీసెంట్ యాక్షన్‌ ఎంటర్‌టైనర్‌ స్కంద సెప్టెంబర్ 28న రిలీజై మంచి టాక్ తెచ్చుకుంది. రామ్ కెరీర్లోనే బిగ్గెస్ట్ ఓపెనింగ్స్ను తెచ్చిపెట్టింది. రామ్ పవర్ ఫుల్ మాస్ రోల్లో కనిపించి మెప్పించారు. ఇక శ్రీలీల హీరోయిన్గా నటించి ఆకట్టుకుంది.
Skanda Movie Review : రామ్-బోయపాటి కాంబినేషన్‌ మెప్పించిందా?
