భోజ్పురి ఇండస్ట్రీకి చెందిన ప్రముఖ నటి ఆకాంక్ష దుబే ఆదివారం ఆత్మహత్యకు పాల్పడ్డారు. ఉత్తర్ప్రదేశ్ వారణాసి సారనాథ్ ప్రాంతంలోని ఓ హోటల్ గదిలో ఆమె ఉరి వేసుకున్నట్లు పోలీసులు గుర్తించారు. ఘటనా స్థలానికి చేరుకున్న పోలీసులు ఆకాంక్ష మృతదేహాన్ని స్వాధీనం చేసుకుని పోస్ట్ మార్టంకు తరలించారు. అతి చిన్న వయస్సులోనే ఆకాంక్ష మృతి చెందడం వల్ల భోజ్పురి చిత్రపరిశ్రమ తీవ్ర విషాదంలో మునిగిపోయింది.
ఆకాంక్ష దుబే బలన్మరణానికి పాల్పడే కొద్ది గంటలముందే అంటే శనివారం రాత్రి భోజ్పురి సూపర్‌స్టార్ పవన్ సింగ్తో కలిసి చేసిన "యే ఆరా కభీ నహీ హరా" అనే లిరిక్స్తో ఓ మ్యూజిక్ వీడిమోను ఆమె తన ఇన్స్టాగ్రామ్లో విడుదల చేశారు. ప్రస్తుతం నాయక్ అనే సినిమా షూటింగ్లో భాగంగా ఆకాంక్ష వారణాసిలో ఉన్నారు. ఇటీవలే వాలెంటైన్స్ డే సందర్భంగా తన రిలేషన్షిప్ గురించి కూడా ఓ కీలక ప్రకటన చేశారు ఈమె. తన కో-యాక్టర్ సమర్ సింగ్తో ప్రేమలో ఉన్నానని తెలిపారు. అంతేగాక అతడితో దిగిన ఫొటోలను సోషల్ మీడియాలో షేర్ చేశారు.
ఎప్పుడు చలాకీగా ఉండే ఈ హీరోయిన్ అకస్మాత్తుగా ఇలా ఆత్మహత్యకు పాల్పడటం పలు అనుమానాలకు దారితీస్తోంది. ఇక ఆకాంక్ష మృతికి కూడా ప్రేమ వ్యవహారమే కారణమా అనే అనుమానం వ్యక్తమవుతోంది. అయితే ఈమె మరణానికి గల కారణాలు ఇంకా తెలియాల్సి ఉంది. ఈ ఘటనపై కేసు నమోదు చేసుకున్న పోలీసులు విచారణ ప్రారంభించారు. ఇకపోతే ఆకాంక్ష 2018 సంవత్సరంలో తీవ్ర మనోవేదనకు గురైనట్లు సమాచారం. దానివల్ల కొంత కాలం ఆమె సినిమాలకు దూరంగా ఉన్నారట. ఆ తర్వాత మళ్లీ ఇండస్ట్రీలోకి తిరిగి వచ్చారు.
- " class="align-text-top noRightClick twitterSection" data="
">
మృతికి ముందు ఆకాంక్ష వయస్సు 25 సంవత్సరాలు. ఈమె దుబే 21 అక్టోబర్ 1997న ఉత్తర్ప్రదేశ్లోని మీర్జాపుర్లో జన్మించారు. చిన్నప్పటి నుంచి డ్యాన్స్, యాక్టింగ్ అంటే ఈమెకు ఎంతో ఇష్టం. టిక్‌టాక్, ఇన్‌స్టాగ్రామ్‌లలో చేసి అప్లోడ్ చేసే డ్యాన్స్, యాక్టింగ్ వీడియోలతో వైరలయ్యారు ఆకాంక్ష. అంతేగాక ఆకాంక్ష మ్యూజిక్ వీడియోలు తీస్తూ మరింత ఫేమస్ అయ్యారు. దీంతో ఆమెకు సినిమాల్లో నటించే అవకాశాలు వచ్చాయి.
కేవలం 17 ఏళ్ల వయసులోనే 'మేరీ జంగ్ మేరా ఫైస్లా' అనే చిత్రంతో ఇండస్ట్రీకి పరిచయం అయ్యారు ఆకాంక్ష. భోజ్‌పురిలో వచ్చిన 'ముజ్సే షాదీ కరోగి', 'వీరన్ కే వీర్', 'ఫైటర్ కింగ్', 'కసమ్ పైడా కర్నే' 'కేఐ 2' సినిమాలతోనూ ప్రేక్షకులను అలరించారు. కాగా, ఆకాంక్ష ఎప్పుడూ సోషల్ మీడియాలో చాలా యాక్టివ్గా ఉంటారు. రెగ్యులర్గా రీల్స్ చేస్తూ ఆ విడియోలను ఇన్స్టాలో పోస్ట్ చేస్తుంటారు. ఇలా నిత్యం తన ఫ్యాన్స్తో టచ్లో ఉండేవారు ఆకాంక్ష. ప్రస్తుతం ఇన్స్టాలో ఆకాంక్ష దుబేకి దాదాపు 17 లక్షల మందికిపైగా ఫాలోవర్లు ఉన్నారు.
