Anchor rashmi marriage జబర్దస్త్ కామెడీ షోతో యాంకర్గా కెరీర్ ప్రారంభించి యూత్లో క్రేజ్ సంపాదించుకుంది రష్మి. అలానే అవకాశం దొరికినప్పుడల్లా సినిమాల్లోనూ నటిస్తూ మంచి గుర్తింపు తెచ్చుకుంది. మొత్తంగా తనదైన శైలిలో యాంకరింగ్ చేస్తూ.. స్టేజిపై గ్లామర్ ఒలికిస్తూ సూపర్ ఫ్యాన్ ఫాలోయింగ్ను పెంచుకుంది.
అయితే బుల్లితెరపై రష్మీ-సుడిగాలి సుధీర్ జోడీకి మంచి క్రేజ్ ఉంది. వీరిద్దరూ ప్రేమలో ఉన్నారంటూ వార్తలు వచ్చాయి. కానీ వీరిద్దరూ వారిని కొట్టిపారేశారు. కొంతకాలంగా ఎవరి షోస్ వారే చేస్తుకుంటూ.. ఇద్దరు కలిసి పెద్దగా కనిపించడం లేదు. అయితే తాజాగా రష్మి తన పెళ్లి కబురు చెప్పి సర్ప్రైజ్ చేసింది. ఈ విషయాన్ని ఎక్స్ట్రా జబర్దస్త్ కార్యక్రమంలో చెప్పింది.
ఎక్స్ట్రా జబర్దస్త్ షోకు సీనియర్ నటులు ఖుష్బూ, ఇంద్రజ జడ్జిలుగా వ్యవహరిస్తున్నారు. అయితే ఈ షోలో ఆటో రాంప్రసాద్, గెటప్ శ్రీను చేసిన లేటెస్ట్ స్కిట్లో రష్మీ తన పెళ్లి వార్తను బయటపెట్టింది. 'రష్మీ త్వరగా పెళ్లి చేసుకో వయసు అయిపోతుంది కదా?' అనగానే.. "అన్నట్టు వచ్చే నెల నా పెళ్లి. దసరా ఈవెంట్ ఉంది కదా.. అందులోనే. నా పెళ్లి ఈవెంట్స్లోనే జరుగుతుంది.. బయటకాదు" అని చెప్పింది. ప్రస్తుతం ఈ వీడియో నెట్టింట వైరల్ అవుతోంది.
ఇదీ చూడండి: కేతిక శర్మ చేసిన పనికి అలా ట్వీట్ చేసిన దేవీ శ్రీ, ఏంటంటే
