నిజామాబాద్ జిల్లాలో విషాదం చోటు చేసుకుంది. పురుగుల మందు తాగి ఓ ప్రేమజంట ఆత్మహత్యాయత్నానికి పాల్పడింది. సిరికొండ మండలం చీమన్‌పల్లి శివారులో రెండు రోజుల క్రితం కలుసుకున్న ప్రేమికులు... మనోవేదనతో బలవన్మరణానికి యత్నించారు. హైదరాబాద్లోని ఓ ప్రైవేటు ఆస్పత్రిలో చికిత్స పొందుతూ మంగళవారం రాత్రి యువతి మృతి చెందింది.
సిరికొండ మండలం పందిమడుగు గ్రామానికి చెందిన వందన, చింతల్ తండాకు చెందిన సుభాష్ కొన్ని నెలలుగా ప్రేమించుకుంటున్నారు. సుభాష్కు వేరే యువతితో డిసెంబరులో వివాహమైంది. తనను కాకుండా మరొకరిని పెళ్లి చేసుకున్నాడని యువతి నిలదీసింది. అనంతరం ఇద్దరు కలిసి ఈ అఘాయిత్యానికి ఒడిగట్టారు. యువకుడి పరిస్థితి విషమంగా ఉందని వైద్యులు తెలిపారు.
ఇదీ చదవండి: 'అందంగా లేవు... అదనపు కట్నం కావాలి...' ఓ వివాహిత బలి!
