కామారెడ్డి జిల్లాకేంద్రంలో విషాదం చోటు చేసుకుంది. ద్విచక్ర వాహనాన్ని తప్పించబోయిన ఆటో... కారును ఢీకొట్టింది. ఈ ప్రమాదంలో 13 మందికి తీవ్ర గాయాలయ్యాయి. వారిలో నలుగురు చిన్నారులు కూడా ఉన్నారు. క్షతగాత్రుల్లో ఒకరి పరిస్థితి విషమంగా ఉండండతో అతన్ని హైదరాబాద్కు తరలించారు. జిల్లా కేంద్రంలోని సరంపల్లి వద్ద ఈ ఘటన జరిగింది.
ప్రమాదం జరిగిందిలా...
కామారెడ్డి నుంచి పొందుర్తి వెళ్తున్న ఆటో... ద్విచక్ర వాహనాన్ని తప్పించబోయే క్రమంలో ఎదురుగా వస్తున్న కారును ఢీకొన్నట్లు స్థానికులు తెలిపారు. ఈ ప్రమాదంలో ఆటోలో ప్రయాణిస్తున్న వారికి తీవ్ర గాయాలయ్యాయి. క్షతగాత్రులను వెంటనే కామారెడ్డి ఏరియా ఆస్పత్రికి తరలించి చికిత్స అందించారు. ఈ ఘటనపై సమాచారం అందుకున్న దేవునిపల్లి పోలీసులు కేసు నమోదు చేసుకుని దర్యాప్తు చేపట్టారు.
ఇదీ చూడండి:
