హైదరాబాద్ పాతకక్షలతో రౌడీషీటర్ ఇలియాస్ నవాబ్(32) హత్యకేసులో 8మందిని అరెస్ట్ చేసినట్లు ఎల్బీనగర్ డీసీపీ సన్ప్రీత్సింగ్ పేర్కొన్నారు. అందుకు సంబంధించిన వివరాలను డీసీపీ వెల్లడించారు.
బాలాపూర్ సమీపంలోని షహీన్నగర్కు చెందిన రౌడీషీటర్ ఇలియాస్ నవాబ్(32)కు బార్కాస్లోని సలాల్కు చెందిన సాలేహ్ బిన్ హఫీజ్ మహరూస్కు రియల్ ఎస్టేట్ వ్యాపార విషయంలో విభేదాలున్నాయని డీసీపీసన్ప్రీత్సింగ్ తెలిపారు. ఇటీవల నవాబ్ ఓ ప్లాటును నవాబ్ కబ్జా చేశాడు. దాని చుట్టూ సీసీ కెమెరాలు అమర్చాడు. వాటిని గుర్తుతెలియని వ్యక్తులు అపహరించారు. ఇది హఫీజ్ పనేనని నవాబ్ అనుమానంతో అతన్ని చంపుతానని బెదిరించడాని డీసీపీ పేర్కొన్నారు. భయాందోళనలకు గురైన హఫీజ్ తన సోదరులు, స్నేహితులతో ఈ విషయం చెప్పాడు. తరచూ బెదిరింపులకు దిగుతున్న నవాజ్ను చంపాలని పథకం వేశారని డీసీపీ తెలిపారు. ఈ నెల 20న రాత్రి నవాబ్ ఇంటికి వెళ్లిన నిందితులు అతనిపై కర్రలతో దాడి చేశారు. తీవ్రంగా గాయపడిన నవాబ్ను ఒవైసీ ఆసుపత్రిలో చేర్పించగా అప్పటికే మృతి చెందినట్లు వైదులు నిర్థారించారని డీసీపీ తెలియచేశారు.
ఘటనకు సంబంధించి సీసీ కెమెరాల ఆధారంగా దర్యాప్తు చేపట్టి నిందితులను పట్టుకున్నామని డీసీపీ సన్ప్రీత్సింగ్ పేర్కొన్నారు. వారి నుంచి 2కత్తులు, ఒక కర్ర, 4బైకులు , 8 సెల్ఫోన్లు స్వాధీనం చేసుకున్నామని డీసీపీ తెలిపారు.
ఇదీ చదవండి : student suicide case: విద్యార్థిని ఆత్మహత్య కేసు.. ప్రభుత్వ ఉపాధ్యాయుడు సస్పెండ్
