హైదరాబాద్ మణికొండ నాలా ఘటన(Manikonda Man Missing Incident) లాంటిదే.. అదే రోజున ఇంకోటి జరిగింది. ఈ ఘటన ఆలస్యంగా వెలుగులోకి వచ్చింది. మేడ్చల్ జిల్లా కుత్బుల్లాపూర్లో ఓ వ్యక్తి నాలాలో గల్లంతయ్యాడు. కాకాపోతే.. మణికొండ ఘటనలో మూడు రోజులకు బాధితుని మృతదేహం లభ్యమైంది. కుత్బుల్లాపూర్లో గల్లంతైన వ్యక్తి ఆచూకీ మాత్రం ఇప్పటివరకు లభ్యం కాలేదు.
సిగరెట్ తాగుతూ వెళ్లి..
కుత్బుల్లాపూర్ గణేశ్ టవర్స్లో నివాసముండే మోహన్రెడ్డి ఈ నెల 25న.. రాయల్ వైన్స్ వద్ద స్నేహితులతో కలిసి మద్యం సేవించాడు. ఇంటికి బయలుదేరే సమయంలో భారీ వర్షం రావడంతో స్నేహితులు ఇద్దరు పక్కకు ఆగారు. మోహన్రెడ్డి మాత్రం సిగరెట్ తాగుతూ నాలా పక్కన నిలబడ్డాడు. చూస్తూండగానే.. ఒక్కసారిగా వెనకకు నాలాలో పడిపోయాడు. గమనించిన స్నేహితులు మోహన్రెడ్డిని పట్టుకునేందుకు ప్రయత్నించారు. వరద ఉద్ధృతి ఎక్కువగా ఉండటం వల్ల మోహన్రెడ్డి కొట్టుకుపోయాడు. అనంతరం పోలీసులకు ఫిర్యాదు చేశారు. రంగంలోకి దిగిన పోలీసులు... ఇప్పటివరకు నాలాలన్ని గాలించినా ఆచూకీ లభించలేదు.
మోహన్రెడ్డి కుటుంబ సభ్యులు జీహెచ్ఎంసీ అధికారులకు ఫిర్యాదు చేశారు. వెంటనే స్పందించిన అధికారులు.. రెస్క్యూ బృందాలను పంపించి గాలింపు చర్యలు చేపట్టారు. చూస్తుండగానే... మోహన్రెడ్డి ఒక్కసారిగా నాలాలో పడిపోయిన దృశ్యాలు సీసీకెమెరాల్లో నిక్షిప్తమయ్యాయి. ఈ వీడియో ఇప్పడు సోషల్ మీడియాలో వైరల్ అయ్యాయి.
ఇదీ చూడండి:
