ETV Bharat / crime

బిల్లులు రాలేదని.. మరో సర్పంచ్ ఆత్మహత్యాయత్నం

author img

By

Published : Feb 5, 2023, 7:36 PM IST

Venunagar village president committed suicide: గ్రామాభివృద్ధికి చేసిన అప్పులకు వడ్డీలు కట్టలేక రాష్ట్రంలో మరో సర్పంచ్ ఆత్మహత్యాయత్నం చేసింది. ఎన్నికల్లో గెలిచాక ఇచ్చిన హామీల అమలు కోసం చాలామంది సర్పంచ్​లు సొంత డబ్బులు లేదా అప్పుగా తీసుకొని పనులు మొదలు పెట్టారు. అయితే ప్రభుత్వం నుంచి ఎటువంటి బిల్లులు రాక.. తీసుకున్న అప్పులకు వడ్డీ పెరిగిపోయి మానసికంగా చాలా ఇబ్బందులు పడుతున్నారు. అదే విధంగా నిర్మల్ జిల్లాలో ఓ మహిళా సర్పంచ్ బిల్లులు రాకపోడంతో మానసిక ఒత్తిడి తట్టుకోలేక ఆత్మహత్యాయత్నం చేసుకుంది.

sarpanch of Venunagar village attempted suicide
వేణునగర్ గ్రామ సర్పంచి ఆత్మహత్యాయత్నం

Venunagar village president committed suicide: ప్రభుత్వం నుంచి ఎలాగైనా నిధులు వస్తాయని గ్రామంలో పనులు చేపట్టిన సర్పంచికి చేదు అనుభవం ఎదురైంది. నిధులు వస్తాయనే ధీమాతో సొంత డబ్బులను గ్రామాభివృద్ధి కోసం ఖర్చుపెట్టారు. తీరా చూస్తే ఎంతకీ బిల్లులు రాలేదు. కుటుంబంలో డబ్బులు కోసమై పలుమార్లు గొడవలు అయ్యాయి. ఊరు కోసం మంచి పని చేసిన సర్పంచికి మాససిక ఒత్తిడి మాత్రమే మిగిలింది. చివరికి ఆ ఒత్తిడి తట్టుకోలేక ఆత్మహత్యాయత్నానికి పాల్పడింది. ఈ ఘటన నిర్మల్ జిల్లాలో జరిగింది. సర్పంచ్ భర్త తెలిపిన వివరాల ప్రకారం.. నిర్మల్ జిల్లా పెంబి మండలంలోని వేణునగర్ గ్రామకి చెందిన రాధ ఆ గ్రామానికి సర్పంచిగా పని చేస్తుంది.

గ్రామంలో చేసిన అభివృద్ధి పనులకు బిల్లులు రావడం లేదని, అందుకు కుటుంబంలోను గొడవలు అవుతున్నాయని ఆమె పురుగుల మందు తాగి శుక్రవారం అర్ధరాత్రి ఆత్మహత్యకు యత్నించినట్లు సర్పంచ్ భర్త పేర్కొన్నారు. వెంటనే చికిత్స నిమిత్తం జిల్లా ప్రభుత్వ ఆసుపత్రికి తరలించారు. అప్పులు చేసి పనులు చేసిన ప్రభుత్వం బిల్లులు చెల్లించక పోవడంతో మనస్తాపం చెందిందని అన్నారు. జిల్లా ప్రభుత్వ ఆసుపత్రిలో చికిత్స పొందుతున్న సర్పంచ్​ను జిల్లా కలెక్టర్ కర్నాటి వరుణ్ రెడ్డి పరామర్శించారు. ఆరోగ్య పరిస్థితిని అడిగి తెలుసుకున్నారు. ప్రస్తుతం ఆమె ఆరోగ్యం నిలకడగానే ఉన్నట్లు వైద్యులు పేర్కొన్నారు.

"గ్రామంలో సీసీ రోడ్డు కోసం రూ.5లక్షలు ఖర్చుపెట్టాం. శ్మశాన వాటిక కోసం రూ.3లక్షలు పెట్టాం. మోడల్ స్కూల్‌కి రూ.6 లక్షలు పెట్టాం. స్కూల్‌ డబ్బులు సరిపోక ఇంకా పూర్తి కాలేదు. మిగిలిన పనులు కోసం మరో సుమారు రూ.4లక్షలు వరకు ఖర్చు చేశాం. ఇప్పటి వరకు దేనికి డబ్బులు తిరిగి రాలేదు. జిల్లా కలెక్టర్ వచ్చి పరామర్శించారు. నిధులు ఇప్పిస్తామని హామీ ఇచ్చారు." - గ్రామ సర్పంచ్ భర్త

ఇవీ చదవండి:

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.